يوم الوطن تاريخ مجد وبطولة يوم الوطن ذكرى بها فرحة اعياد يوم الوطن تاريخ مجد وبطولة يوم الوطن هيبة ونخوة وأمجاد يوم الوطن عزة وتأسيس دولة دولة صناديد العرب دولة اسياد دولة لها التاريخ عرضه وطوله عبد العزيز أسس ووحد للاحفاد دوله لها بالمجد صولة وجولة عبد العزيز اقبل وله قصد ومراد وقطع فيافي نجد يشعب ذلوله وفتح رياض العز من بعد الانكاد ونادى المنادي فيه حزة وصوله نادى على المصمك بعد حرب وجهاد الملك للمعبود والحول حوله ثم للشجيع اللي له المجد ينقاد والمجد ما ناله بيسر وسهولة ناله بحزم وعزم وجهاد حساد وسيف لتاريخه يسطر فصوله وشعشع بها نور من العز واسعاد عقب الظلام اللي تراخت سدوله ورفرف علم عزه على جبال واوهاد وحكم بشرع الله وسنة رسوله وعقبه مع اشباله لها حب ووداد الحكم راسخ والثقيل ارتكوا له سعود مع فيصل مغاوير الاولاد وخالد وفهد المكرمه والرجولة ملوك أشاويس قروم واجواد والكل منهم زان فعله وقوله وعبدالله اللي للمهمات وراد الله زرع بقلوب شعبه قبوله ما للسجايا الطيبة فيه تعداد وابيات شعري عند مدحه خجولة ما اقول غير انه عمى عين الاضداد ونفسه لبذل الخير دايم عجولة عبد الله المحبوب هو طب الأكباد نفسه عن المدات ما هي ملولة للخير كساب وللشر صداد وكسب محبة أمته في شموله أكرم من الامزان لا حن رعاد يغلب سحاب الوسم حزة هطوله لاضاقت الحيلة وجور الزمن زاد القول قوله والفعايل فعوله ويالمملكة رغم على أهل الاحقاد نفديك بالغالين ربع وحمولة حنا لاجل حبك جماعات وافراد لاجلك نحارب كل نفس جهولة واللي يزعزع امنك بحرب وافساد عليه كون الحرب نقرع طبوله وتبقين كوكب عز بالكون وقاد الكون يفنى قبل حزة أفوله - عطاالله بن سليمان العطاالله (الزلفي) *** من وحي اليوم الوطني أبتدي باسم الذي كلنا نرجي عطاه رازق الحيتان في غُبّة البحر العميق مكتفل بارزاق خلقه ولا شيٍ خفاه آمرٍ باليسر، واللين ، بعباده رفيق يا سلام الله لدارٍ على التقوى بِناه دار قومٍ كلهم ساعة الضيقة فريق دار (ابومتعب) هلابه، وحيّا الله نباه شوكة في عين خصمه، وعونٍ للشقيق السعودي لاذكرنا العرب، وجهٍ وجاه وارثٍ طيب المزايا، وفي عزمه عريق يا وطن في يوم مجدك نجيلك لو حُفاه رافعين البيرق اخضر، يضيق اللي يضيق لك علينا عهد نحميك ،والله في سماه ما نخونك قط ،عهدٍ على انفسنا وثيق ما حنينا روسنا للجحافل والطغاه يوم قدح الزند واشتدّ شبّاب الحريق قام شعب المملكة من غضاه الى فضاه قومة اللي للمهمات في الشِّدة يطيق كل رجّالٍ يقول: الوطن روحي فداه يشربون الموت كنّه من النشوة رحيق نردع الطّمّاع ونحط في حلقه حصاه لين نسمع له زفيرٍ، ونسمع له شهيق يا كيانٍ وحّده راس قومٍ واحتماه لين صار المقتدى للمحايد والصديق الموحّد يا عسى الله يطيّب له ثراه حكّم الشرع الإلهي ولا حاد الطريق - محمد الشهري *** يوم عز ونصر يا موطن الخير والعزة ودار السلام يا مهبط الوحي يا دار السعد والسعود يوم الوطن يوم عز ونصر مجد ونظام جعله على مملكتنا بالسعادة يعود تباشري ياجموع الناس في كل عام وهنوا زعيم الوطن واعموا عيون الحسود وسلوا سيوف الشرف وأمشوا براي الإمام ثم ارفعوا بيرق الدوله براس العمود وقولوا ترانا هل التوحيد واهل المقام واهل الشرف والمروة والشيم والعهود يا مملكتنا ليا أشتد الخطر والزحام دونك رجال لهم فاليوم الأقشر صمود حنا ترا ما خلقنا الا نشد الحزام بعد العبادة ترانا كلبونا جنود ولا علينا من اهل البلبلة والكلام وعقولنا ما تقارن مع عقول الحقود تطوري لايهمونك عيال الحرام وتزيني بابلاد العدل وارقي سنود ولله نسجد وندعي وسط جنح الظلام إنه يحفظ الوطن وملوكنا آل السعود - فهد بن شعلان الأكلبي *** كلنا لك يا وطنا يا وطناً فالك الطيب يادار الحمِّية ما ذخرنا عنك الأرواح وش عاد القصايد وش تبي يادّرة الكون في يومك هدية لو تبي عقد الكواكب نظمناها قلايد يا وطناً لك غلا واحترام ومقدرية حب قول وفعل ما هوب حكيٍ في ْ الجرايد ما انتمينا للوطن باسم واوراق وهوية الوطن بقلوبنا كلنا شعبٍ وقايد نحمد الله يوم ولَّى زمان الجاهلية الزمان اللي مضى كان فيه الجهل سايد لين شعشع نور الأصباح من نجد العذية وابتدا وقت الرخا وانتهى وقت الشدايد في ذرى الله ثم في ظل حامين الونية اسرة آل سعودٍ الابطال وافين الوعايد يا وطنا لك رجالٍ عزايمهم قوية هم هَلْ الشيمات واهل الوفا واهل العوايد ياوطنا دون اراضيك ما نخشى المنية نارد أحياض المنايا لياشبت وقايد ما نخاف إلاّ من الله معبود البرية مخلصين الدين لله صافين العقايد يا وطنا منبع الجود وكفوفك ندّية عَمْ خيرك كل محتاج مهما كان نايد جارك الله من صواديف الأيام الردية موطن الأمجاد فأول سنينك والجدايد للجبال الشامخة والرمال العسجدية وللبحور اللي غلاها بوسط القلب زايد ولولاة الأمر والشعب سَلام وتحية وكل عام جعل «يوم الوطن» بالعز عايد - عايض بن مساعد *** عبدالعزيز الله يجزل ثوابه يوم الوطن يوم مجيد وذكراه يفخر بها شيب البلاد وشبابه يوم به الذكرى تباها وتزهاه في واحد الميزان يوم غدابه كل الوطن دولة نظام ويرعاه من وحده بالمفخره واعتنا به عبدالعزيز اللي بنى المجد وأرساه وأسس لنا دولة سلام ومهابة جاهد وكافح مستعين بمولاه ثم بأخوياه اللي على الدين لابة أمّن وطنا في الفلاة وقراياه والشاة ترعى ماتهاب الذيابة بشرع العدالة بدد الظلم واقصاه وقت القهر والحيف قفت ركابه وخلا الوطن في خير وأسعد رعاياه والشعب للعليا بفعله رقى به ياالله عسى الجنة مقره وماواه عبدالعزيز الله يجزل ثوابه - ناصر بن عبدالله العاصم *** يا دار حنا جميع أيامنا فيك عيد يوم الوطن في قدومه كل منا سعيد الله يعيده علينا بالفرح كل عام يا دار حنا جميع أيامنا فيك عيد اشراقة النور زاحت عن سماك الظلام عزك على طول من ذاك الزمان البعيد من يوم صوت المنادي قال حي اليمام من عهد عبدالعزيز وكل فرحة تزيد عشنا بحكم الشريعة واحترام النظام في قبلة المسلمين اللي هنا والبعيد البقعة الطاهرة وام الكرم والكرام المملكة في قلوب الشعب جد وحفيد الفة بوجه الظروف القاسية والتحام ما همنا كيد حاسدنا لو انه يكيد طارت به الريح وامسى في دروج العسام حامت عليه الحرار ونار مثل الفريد يجر ذيل الهزيمة فوق روس العدام حنا ورثنا شجاعة خالد بن الوليد والرأي رأي القيادة في جميع المهام دون الوطن والمواطن يدحمون الضديد والكل دون المبادئ مثل حد الحسام ياما تواطا لها راس الحريب العنيد رغم انفه اصغى بطاعة صادقة واحترام بانجازهم عامل التاريح دايم يشيد يكتب له الليل زام ويكتب الصبح زام تاريخ آل سعود حافل بالثنا والمجيد عبر الليالي تقدم لين فض الزحام يشهد له العالم اجمع قول والله شهيد تنام يالعز في صدر الجزيرة تنام يصيد فينا القدر والحي منا يفيد دون الوطن نفتخر بالموت وإلا الوسام رجال ما له وطن لو عاش عيشة زهيد ما له مع الناس حرب ولا حمامة سلام يعيش مثل البلابل فوق خضر الجريد حياة بالهون ما يبلغ وراها مرام واللي بداره يعيش بعز وإلا شهيد ما ينكر امه رضيع الديد عقب الفطام يكبر ويكبر غلا أمه ثم جاله طريد رحمه بها عز في قلب الوطن والوئام مبروك في كل عام ومملكتنا تعيد أفراحها بالتمام وحال أهلها تمام المملكة حقها منا ما هو بالقصيد أرواحنا دونها والمال مسك الختام - هتاش الهروال
