يامرحباً وأهلين بقدوم سلطان

يا مرحبا وأهلين بقدوم سلطان
يامرحبا وأهلين نور وطنا
يامرحبا وأهلين ياطير حوران
يامرحبا وإعداد نجمن تجلا
يا مرحبا ترجح على كل ميزان
تهدا لبو خالد على كل فنا
يامرحبا وإعداد ما هلت أمزان
وإعداد من طاف الحرم ورجهنا
واطلب من الله عالي القدر والشان
يعز كل أملوكنا في وطنا
أملوكنا الشجعان ذربين الأيمان
اللي حموها دون انسن وجنا
حامينها بالسيف والرمح شومان
إمطوعين اللي عليها تجنا
لين اصبحت خيراً ولامثلها كان
واللي سكنها شاف عز وتهنا
من فضل ربي قبلتن لكل الأوطان
كل مسلم صلى ليمت وطنا
يا لله ياجعل المحرر للجنان
عبدالعزيز اللي عزا من تمنا
واليوم في حكم ابومتعب إكحيلان
نمشي بعز وكل خير بوطنا
عساه طول العمر يا والي الشان
تحفظ ملكنا وتبعد الشر عنا
وتحفظ وطنا من طغاتن وعدوان
بحماك يارب المخاليق حنا
وتحمي ديار العز من كل شيطان
واللي طمع فديرنا ماتهنا
لنا على الجبهة بواسل وشجعان
شجعان فاليوم الغبر ماتون
لاخير فالي محتما عند الأوطان
ولا خير فينا إن ما حمينا وطنا
نفديك ياتراب الوطن سر وإعلان
وإما الشهادة أو نصراً علنا
نورة فهيد السهلي