كل الوطن رحب

يالله ياعالم خفي كل ماكان
سامع دبيب النمل بخف احتماله
يا مكون الدنيا ياعالي الشان
انك تعز اهل الوفا والعداله
عقبان نجد مطوعة كل فسقان
هم ضد من دبر بسو وجهاله
حمات الوطن عن كل خاين وغلطان
ويا سعد من يضفي عليهم ظلاله
استنجدو بالعلم من راس فهمان
صقر الجزيرة هو مبادي دلاله
مشو على ممشاه ذربين الايمان
حمات الوطن نور ٍٍالوطن هم جماله
ومن استلم منهم ضمنها بالايمان
حكمو بشرع الله بعز وعداله
واستكملت بالعز وقاده كحيلان
ملك الصخاء راع الوفا هوجماله
واليوم شفنا العيد بقدوم سلطان
سلطان راعي الجود راعي البساله
الليث نأيف شيد الحفل باعلان
بعودة ولي العهد زاد ابتهاله
النائب الثاني دعى كل الاوطان
بشفى ابو خالد الاحزان زاله
كل الوطن رحب بعودة بليهان
والي بعيدن يكتفي بالرساله
وشفنا يزور ابطال قوات جازان
بواسل الابطال عند اشتعاله
ان حلت الهيجاء وغطا الجو دخان
تبين بحزات الوازم رجاله
هم الذي ماهبو الموت شجعان
دون الوطن ترخص الابطال حاله
وانتم شعار الجيش في كل ميدان
حمات الوطن والجار ما يناش جاله
والشعب صفق وعن والوطن زال الاحزان
بعودة ابوخالد بيان احتفاله
بصفه امير العاصمه ذاك سلمان
سلمان يا أمير الوفا والعداله
ياسعد من ينخاك ياعالي الشان
يامير من منشاك عز وشكاله
والمملكة بيت العرب بكل الامكان
تقدم نوايا الخير للي لجاله
في ظل حكم اللي له الشعب رضيان
العاهل الي خيره الشعب ناله
العاهل الضرغام نور ٍٍ للاوطان
وغير الصخا وسام الشجاعه كماله
اليث ابومتعب تولاه باحسان
العاهل اللي لاعدمنا خياله
واختامها عم الفرح كل الاوطان
من غرب شرق المملكة ليا شماله
حمد العطوني الجعفري الشمري