تمديد فترة الأمير مشعل

مع التحية لسمو سيدي الأمير مشعل بن سعود بن عبدالعزيز أمير منطقة نجران:
بديت باللي خالق الناس من طين
هو خير مبدا به عساه يهداني
بشهر رمضان بيوم سته وعشرين
اسعد خبر ياسيدي يوم جاني
فرحت فرحة غائب في محبين
ومن فرحتي حاول يعبر لساني
العيد قرب واصبح العيد عيدين
تمديد فترة سيدي عيد ثاني
تمديد فترة سيدي له براهين
جهدك يابوفيصل بنجران باني
خدمت في نجران /بس/ أربع اسنين
وانجزت مايعمل بعشر وثماني
نجران طورته بكل الميادين
وابوك حررها بذاك الزماني
ومن الثقة تمديدكم قبل شهرين
ثقة ولي الأمر تعطي معاني
ولا أنت سلطان سلالة سلاطين
أمير وابن سعود واشعاد ثاني
غني عن التعريف وعن الدواوين
بنجران أمير أو بآية مكاني
يوم الوديعة سيدي بالميادين
من شاف سربك قال انا الموت جاني
بتمديدكم حنا ترانا سعيدين
نقول لك مبروك معها تهاني
مهمتك صعبة وربي لك يعين
وعسى يتحقق ما تبي من أماني
قولوا معي يا للي سمعتوا بآمين
من يكره آل سعود عساه فاني
وعساه يحشر مع جموع الشياطين
محروم من لذات برد الجناني
حيث انهم غيث علينا من سنين
خير السعود يعم قاصي وداني
المملكة (هم) لها شيوخ وسلاطين
مهره وهم سرجها والعناني
غصب على اللي ما رضى والحقودين
وبحكمهم صرنا بأمن وأماني
جردان عبر يابوفيصل بسطرين
مما بقلبي لك يقوله لساني
وصلاة ربي عد سكانة الصين
على شفيع الخلق بآخر زماني