فهد العتيبي

قدومك سيدي بهجة

صرخ صوت الشعر والصوت للشاعر شراب وزاد
يحلق بالهجوس اللي تجيب الجزل مشكورة
تعدي الغيم والأفكار عاشت فالبلاد بلاد
وتبقى لوحة الإبداع صورة داخل الصورة
نعم باسم الوطن كل البيوت العاصية تنقاد
نعم باسم الوطن حرف الشعر ما يختفي دوره
تباشير السعد لاحت.. ودنت فرحة الرعاد
تزف الخير في ممشى القدم والأرض ممطورة
على ملفا الكريم اللي محاط بخيرة المعتاد
بعالي همة من كل حدب وصوب منصورة
هنا التاريخ لك حاضر ويكتب في غلاك أمجاد
على سطور الوفا تشرق شمسك بنوره
قدومك سيدي فرحة وطن يا ثالث الأعياد
تجلت في مواكب صقرنا من ساعة حضوره
قدومك سيدي بهجة.. تعانق ضحكة الأولاد
على شفا الغلا والصدق في بسمات مسرورة
نصفق بالكفوف وفالقلوب أفراحنا تزداد
ولك يا سيدي كل الورود اليوم منثورة
أبو متعب بعد غيبة.. طويلة للوطن قد عاد
ثلاث شهور من عمر الألم والدار مقهورة
ثلاث أشهور وشغاف القلوب وهقوة الاجواد
تلامسها النفوس اللي على الشفقات مكسورة
بدعوات الكفوف اللي تعاني من عنا الأكباد
ودمعات العيون اللي تهل الدمع معذورة
من الخشية لباريها تناجي سيد الأسياد
وتطلبه الشفا يا جعل يحفظ للبلد سورة
قلوبٍ من سحايب شوق ما تخلف لها ميعاد
ولاها للوطن ثابت ومتأصل (هنا) جذوره
قلوبٍ تأنس بشوفك وشوفك هو عمى الحساد
ونظرات الحسد والخوف مذعورة ومكسورة
مليكي والقبول أعمال خيرٍ ما لها نقاد
ويمنى غاشمٍ للحق ما تعلى ومبتورة
وانا ما جيت اعد إلك المناقب وأذكر اللي زاد
ولكن بصمة أهل الحق باسمك دووم مذكورة
لو احسبها.. لو احصيها.. تزيد بخانة الأعداد
ملايين الشكر تعجز ولو قدمت ميسورة
ولكن للعذر كلمة شفاعة عن حروف الضاد
دموعك في وجه طفلٍ يتيم يخونه شعوره
نعم يا سيدي كل البيوت العاصية تنقاد
ولك يا سيدي كل الورود اليوم منثورة
- الدمام