ميّادة: يغيظني الكلام الفارغ

صبح القرى وشوش الما فالسواقي واضحَك البور
في ساعة ٍ داهمتني لحظة ٍ مبلولة رقاد
ضحكت صدفة وطار مْن النخل تمرة وعصفور
بكيت فجأة! وطاحوا من دموعي حفنة اولاد!
يابيتنا الطين جدرانك، غرفك، ابوابك، السور
مارجعتني ثمان سنين ل ارض ٍ تّلها وهاد
اذكر قبل مْا ادلف لبابك ركض ب اقدامي النور
واليوم دنّقت له لحظة دخلت وطولي ازداد
مُثير جدا تكون إنسان ثاني يجهل الدور
لاصارت الدور تَعْرف ضيقتك من بدّ الاجواد
تركت صمتي على الشباك واستدركت مجبور
ادور بين الغرف ملهوف لهفة دون ميعاد
أنده لجدي: ياجدي ليه صار البيت مهجور
وتهليلتك من صداها سْقوف بيتك كنها اعياد!
ياجدي اشهى الهزايم في مدينتنا من الحور
واشهى انتصار القرايا ضحكتين صغار وجْداد
ودّهت لنياقك العْفْر الجزال بصوت ممهور
وتلافتت لي تلافت جايع ٍ دوّر على الزاد!
وهناك فوق الرفوف الخضر بعض إحساس وشعور
قصايد مْكَسّرة تحتاج وزن وقافية ضاد
أتمسك بسارية بيتك والارض بوجهي تْدور
واقبّل الباب كن الباب متغّرب وانا بلاد
دخلت نصفي هدوء ونصفي الباقي بدا يثور
وخرجت ف لساني الثلج وضْلوعي جمر وقّاد
فتشت يابس عن الايام مابه يوم ممطور
في جيوبي بروق والغصة بحلقي صوت رعّاد!
غبار بيتك هو الإنسان والإنسان من بور
منها خُلق ثلث طين وثلث دمْع وثلث سجاد
تْمدّن الصحرا الأطفال الصغار وتكبر قصور
واللي نبت طْفل ف القرية يسنبل رجْلْ ف مهاد!
على كفوفي حمام ابيض يرفرف خمسة شهور
اليوم طار بسمواتي وانا انده.. له ولا عاد !
ماجا ف بالي أجي شاعر حبيس بكف جمهور
كنت احلم اكون موسى بن نصير أو طارق زياد
لو ريحة الطين فاحت من ثيابك قلت معذور
ضوضا المدينة تفوح مْن الشوارع ريحة إجهاد!
الارض داس ابتسامتها “القساه” فليل ديجور
واجدادنا ف المقابر مادروا عن ظلم الاحفاد
قصدي أكون الوحيد الشاهق المسترسل الطور
ليا تنحنحت والريح اتْهَذي في صوتي الحّاد
وعليا تهز الحنايا ويتساقط شِعْر منثور
أقول هزّي بِ جذع النْخْل..هزّت تمر ماجاد!
ياجدي عيونها “الما” والسواني حنّت سيور
نشفت مِن رمشها حتى نبع فعيوني سهاد
هاذي قصص بندر المتروك وحده داخله دُور
صَغْر صَغْر لين عوّد فالقرايا رجْلْ ف مهاد
إلى أي الألوان الأدبية تميلين؟
الشعر.
حدِّدي اسما تتابعينه ويعجبك نتاجه؟
خالد الفيصل.
ولماذا فضلت تجربته عن تجارب الغير؟
يشدني إلقاؤه وعمق الفكرة وبساطة طرحها.
ما أول فعل تمارسينه بعد أن يعجبك نتاج ما؟
أضعه في أرشيفي الخاص بالقصائد التي أعجبتني.
اختاري نتاجا تنصحين بقراءته؟
من بادي الوقت.
في رأيك ماذا ينقص المشهد الأدبي المحكي حاليا؟
ينقصه تطور ونقلة وشعر جميل كالذي كنا نقرؤه زمان.
وما أكثر ما يغيظك؟
البحث عن القشور والكلام الفارغ.