ملك غير

أرض السعودية حكمها ملك غير
ساس الوفا والطيب جزل العطيه
الشعب يفرح به ويذكره بالخير
ويعيش فرحة غامرة من مجيه
عمت سمانا اليوم بسمة وتعطير
وعاد العطوف اللي يحب الرعيه
ومن السعادة كن بقلوبنا طير
رفرف يعانق جو نجد العذيه
جانا نذير الخير زف التباشير
يقول أبو متعب أموره هنيه
ملك من أقصانا على دربه نسير
ونفخر بحكمه بين كل البريه
لأنه كريم ومدته دوم للخير
يمين أبو متعب لشعبه سخيه
هو عزة الإسلام والله ملك غير
ما فيه غيره من يقود السريه
تركي بن طلال آل الشيخ - الرياض