الحقيقة - شكاوى

شوفوا .. قصة انهم ينقلوني هذه تقبلتها بصدر رحب - لا رحب ولا يحزنون بس شنسوي- لكن المشكلة كثرة الشكاوى اللي جت على راسي من رؤساء الشرقية والغربية وقبلهم في الرياض.... عموماً عشان بس أوضح وجهة نظري بقول لأهل الشرقية اللي جتني منهم رسائل واجد عتبانة على سالفة"السمش"و"القمبري"خلتني مضطر أوضح أن هذي الجملة اللي قالها رئيس القادسية يوم الاجتماع مع العضو الشرفي البارز قبل انتقال لاعب الملايين لما كلمه التلفزيون على الهواء يبون يعرفون خلصت الصفقة والا لا، والرجال يقول عازمين على"سمج"... العالم وين وهذا وين... وهذا اللي خلاني أكتب هاالجملة للإشارة للرئيس المذكور... ولا أنا مانيب"متعنصر"أبداً - يا هووه يا متعنصر - ولا شنسوي في الكبسة والمندي واليغمش.
المهم الجريدة شطبت من مقالاتي، قلت معليش... ما نزلوا بعضها قلت هم أبخص... أما أن الرئيس الغربي المثقف في المظهر والمتعصب في التصريحات يقلبها صن وكل يوم وهو حاشني ومشتكيني... فهذا لا... فما عاد أقدر أمسك عمري... و"قولوا له يثقل"ولا خلوا الجريدة تطلقني عليه... بس عساهم يطيعون.
نجي الحين للرئيس الشرقاوي الثاني... موب راعي"السمج"... على رغم أني أحترمه كثيراً بس أنا أقول وجهة نظري... ومازلت مقتنع فيها .. إلا إن كان حالف ما هوب تاركه إلا وهو في الاولي... أنا ما أقول الا الحقيقة... وهذا طبع ابن البلد مع كل الاندية... من دون استثناء
ابن البلد
iabalad@maktoob.com