الحقيقة - "طرارة مبوبة"

يا أخي، مدير ها القناة الرياضية غريب وعجيب شفتو وش سوا في لقائه بالرياضية؟ خبصها الحبيب.
أول شيء يقول عينوني عشان نجحت في تغطية البطولة الاسلامية..."هيه"وين رايح المدير الأول كان موجود ويدير الأمور، وانت حدك تنقل وتلعب في الزوم يالمخرج". يعني بلا"هك"على الناس، وبعدين انت فني يعني وش دخلك في الادارة بالعربي"موب"شغلك.
أما المصيبة اللي ما تغتفر من"ريفو"الشاشة انه يقول الاتحاد أخطأ انه ما خاطبنا على مبارياته الخارجية المهمة... يعني قناة رياضية ولا تتابع المباريات التاريخية زي مع ميلان والانتر! وش فيه مباريات رسمية تهم الناس عشان تنقلها؟
أشوى ان العين الاماراتي خاطب قناتهم يوم لعبو مع روما ونقلت!
ولا الدعوة"طرارة مبَّوبة"مثل طيب الذكر! اخو النجم؟ ويعني خاطبوني شخصياً وادعوني أنا وبقية الطقة في القناة أو ترجُّوني اشوي عشان نتنازل وننقل لكم!
وبعدين كان ممكن نمشيها، لكن بعد ما بينتها وصرحت عن محاولتك نقل لقاء فريقك الودي في معسكر أوروبا مع لشبونه"وسعت شوية"ولا على فكرة خاطبوكم عشان نقل مبارياتهم الودية عشان كذا حاولت - انت اللي قلت كذا موب أنا - يعني متناقض.
ابن البلد
iabalad@maktoob.com