لو مات.. بقلوبنا موجود..

من بعد ما فاضت أنفاسه
بأفضل ليالي بشهر الجود
ودع محبيه مع ناسه
لو مات بقلوبنا موجود
أرجى الوطن نبض لإحساسه
ونواصي أربع عقود شهود
حنكه تجلى مع الساسه
الخير منها لنا معقود
ما بين فطنته وكياسه
لصار بالمحفل المشهود
بزناد فكره ومقباسه
يقدح مراجل وفا ويذود
عن أمة الدين في باسه
وللسلم كف الوطن ممدود
من منهج الحق نبراسه
وإن جاء نهار الحزم والذود
أطلق شنب للعدا داسه
سقم الأعادي وسم كبود
كان الخطر دقت أجراسه
سيفا على الكايده مجرود
شذرة سنا العز نوماسه
ولاهي غريبه سليل العود
من طيب عوده ومن ساسه
يرقى سنود العلا ويزود
لو غاب تحت الثرى راسه
في رحمة اللي يسوق النود
ويحيي من الشيح يبّاسه
يعتقه في شهرنا ويجود
بإستبرق اللبس لبّاسه
ويبقى فنار الوطن موعود
لاذعذع الصبح بأنفاسه
باللي على منهجه معهود
( عادل ) على عز ودراسه
خريج من مدرسه لسعود
فصولها عز وسياسه
الشاعر/ ضمن بن عواد السناني