مكة تقول لدايم السيف حييت

الإهداء من الشيخ سعدون بن سعود الزراقي العتيبي لصاحب السمو الملكي الأمير خالد الفيصل بمناسبة تعيين سموه مستشاراً لخادم الحرمين الشريفين وأميراً لمنطقة مكة المكرمة.
مكة تقول لدايم السيف حييت
البيت والكعبة وحجر الطوافي
ونكرر الترحيب ياطيب الصيت
من صادق الأعماق بين وخافي
يامير يالي بالمكارم تحليت
للطيب مقدام وللخبث نافي
مقدمك ياخالد نعده أليا جيت
مثل القمر يجلا ظلام السدافي
ياأمير لأجلك بالقوافي تعمقيت
وأتقنت في تسخير نظم القوافي
قوافيا فيها بديت وتنقيت
نقيت منها مايناسب لقافي
وأعطيتها جل اهتمامي وقاسيت
حتى وصلت امراٍ عليه متشافي
وأسخرت بالمجهود وأتقنت للبيت
بشعر على معناه ماهو بهافي
شعراً على معناه في طيب الصيت
بحر الندى باقسى السنين العجافي
الفيصلي اللي بشخصه توخيت
قبول تعبيري وذا شي كافي
ياخالد الأمجاد للأمر لبيت
وسلمان يختار العقول النظافي
وانت تعد من الرجال العناتيت
من قادة آل سعود والفكر صافي
وحفيد شيخ فتت الظلم تفتيت
بالسيف أزال الظلم والأنحرافي
شتت عصابات الجهل شر تشتيت
عبدالعزيز الفيصلي السنافي
يقول أنا اللي بالعزيمه تحديت
كونت لي دولة على الرجل حافي
كونت لي دولة وشعب وتسميت
وشربت مشروب على الكبد صافي
ورقيت للعليا بعزم وتخطيت
مصاعب عنها الكثير متجافي
على المهار وحزب الهجن سجيت
وصنعت بالتاريخ مجدٍ يشافي
وارسيت قاعدة العدالة وخطيت
خطاٍ مسجل به جميل اعترافي
لشعبٍ وقف يوم الليالي شلافيت
مواقفٍ يصحيبها كل غافي
وأنا بلاذات الكرا ما اتهنيت
إلى طاب نوم أهل العقول الضعافي
وردت ميراد الظميا على هيت
اذا صار بقلوب الرجال ارتجافي
وحققلي الله مطلبي واستلذيت
من عقب هم بالضمير متلافي
وزان الكلام وصار لي ماتمنيت
فضل من الرب الكريم المعافي
فالحمد لله كل ما أصبحت وأمسيت
عداد من حج المشاعر وطافي
وأنت الذي بأوصاف فيصل تحليت
من التجريه لبست لك بشت ضافي
فيصل على نهجه ياخالد تربيت
ومن التجارب يظهر الاحترافي
وأنت الذي مع سلم المجد عديت
أليا تعثر دونها كل هافي
وأنت الذي للظلم وأهله تصديت
ليشافك الظالم يصيبه رقافي
وأنت الذي أن قلت قولا به أوفيت
قولا تقوله فيه تصدق وتافي
ما قلت قول وعن كلامك تخليت
كلام لارباب المعاقيل كافي
وأنت الذي للفكر وأهل تفانيت
وصححت مفهومه عن الاختلافي
وأنت الذي عن تايع الهرج صديت
تسمع وكنك عنه بالنوم غافي
وأنت الذي بإشعار الأحزن ابكيت
برثاك لأرواح ٍ غطتها السوافي
يا أمير لوقلتلك وأبديت وأخفيت
ما احدد أمجادك ولو طال قافي
فالمعذرة يامير لن كان موفيت
النقص في التعبير وألا أنت وافي
واختم بذكر الله كلامي وصليت
على رسوله ماغفا جفن غافي