الله على يوم به الحزن ضافي أضفا على كل الوطن عقب نايف حزنٍ سجا مثل الدجا بالفيافي والله يروف ولا مع الرّب رايف وطبع الليالي مقبلاتن مقافي نوبن عبُوس ونوب فيها طرايف وعمر البنادم مقتنفيه التلافي وبقعا لك الله ما عليها حسايف جانا خبر من يمة إجنيف لافي قالوا توفى طيب الصيت نايف فز الخفوق وحل فيه ارتجافي ومن فزته هلت دموعي ذرايف أصبح وشره بين الأضلاع خافي وأمسى يلوفه من غثا الوقت لايف جار الزمان وعادة الوقت جافي ولا راح نايف عند ربي خلايف مرحوم ياريف الضعوف الهجافي زبن الدخيل اللي من الضيم خايف بحكم الشريعة ما حكم بالجحافي خوف من الله يوم كشف الصحايف وإن جاء لها عند اللزوم احترافي نايف ترى زيزومها رأس نايف لكن عزانا بالعضيد السنافي رجل المهمة والأمور الكلايف أحمد عسى عمره يطول إمتعافي جسر تعلا فوق روس النوايف ودام الأمن موجود والجو صافي وقلوبنا في طاعة الله ولايف حنا بخير ولا علينا خلافي نرقا سنود وكلبونا حلايف والكل منا لاعطا العهد وافي في ظل مروية السيوف الرهايف آل السعود أهل القلوب النظافي نشهد شهادة حق والكل شايف ويشهد لهم تاريخهم بالعفافي بيضان الأيدي مرهبة كل حايف واليوم حنا بالسنين الغدافي والله يعز الدين وإخوان نايف والله يجنبنا السنين العجافي ويحمي وطنا من جميع الطوايف وما قل دل وزبدة الهرج كافي وقول بلا برهان لاشك زايف زيد بن بقيران المقاطي
