من قبل سبع عقود ما هو من اليوم قايد محنّك في جميع الوظايف أنا اشهد أنك بالمهمّات زيزوم مبروك من قلب لشوفك مهايف المنصب اللي قبل الاعلان محسوم والا انت ما توفيك كل الوصايف نايف على اسمك لك دلالات وسلوم عندك ثقيلات النوايب خفايف عزمك يعادل له جماعات وعزوم ما يحتوي مجدك قصيد وصحايف ولا يختصر سيرتك منصب ومرسوم يا ريف من عاش الشقا والكلايف ويا مزبن اللي حدّه الوقت مظلوم لا من وصل لك ما بقى له حسايف لو طاح قبل يجيك لا شافك يقوم ويا مدهل اللي ما بقى له ولايف أصبح بعد عزه من الخصم مهزوم لافه من صدوف المقادير لايف وتعذروه الناس معطى ومحروم ونصاك ودموعه بصمته ذرايف وأصبح عن العدوان في راس ملموم ويا محتوي شعبك بجود ونوايف ما تستريح وبه من الشعب مهموم وبالخصم مهما كان مانته برايف ان طاع والا راح ما هوب مرحوم أوامرك مثل السيوف الرهايف علم ما هو خافي على العرب والروم وبالدين ما تقبل خلاف الطوايف مناصر السنة بعيد عن اللوم عساك دايم وانت بالعز نايف يا سيدي يا مقدم المجد والقوم دحيم النومسي
