الحمد لله جيتك بالسلامة

سلام ياتاج الوفا والشهامه
سلام يانايف على كل وافي
يامرحباً ماهلّ وبل الغمامه
تحية الترحيب من قلب صافي
الحمد لله جيتك بالسلامه
يالله لعلك كل عام امتعافي
كل يبي شوفتك غاية مرامه
الطيب يثمر بالقلوب النظافي
ياشعب جاك اللي منحك اهتمامه
اللي علينا فضل يمناه ظافي
الجود من ساسه تعلا سنامه
ولو نشكره فالشكر ماهو بكافي
يعيش ملاّك القلوب بكلامه
اللي سهر للشعب والشعب غافي
فارض(ن) على كل الشعوب احترامه
وفي فعل ابو متعب تعجز القوافي
من عهد أبو تركي نعيش بكرامه
عبدالعزيز اللي فعوله تشافي
عساه بالجنة رفيعٍ مقامه
اللي طوى عهد الجهل بالرهافي
للشعب خير نطلب الله دوامه
والحكم شرعي ماعليه اختلافي
ويعيش سلطان الفخر والزعامه
غيث الفقارى بالسنين العجافي
امن الوطن بالجيش ماسك زمامه
كلٍ ينام وقلب الاضلاع دافي
كلٍ يسافر ما احتزم في حزامه
يقطع ربوع المملكه مايخافي
أمّنها اخو نوره بفرضه نظامه
عنها الأعادي منكفيناً عيافي
وصلاة ربي والسلام بختامه
على النبي ماطاف بالبيت حافي
محمد عوض الدعجاني العتيبي