جزار الغزلان خارج السجن بعد درس قاس

أنهى أحد المدانين في قضية مجزرة غزلان الربع الخالي قبل نحو عام ونصف العام , محكوميتة وخرج قبل دخول شهر رمضان المبارك، وذلك بعد أن صدر حكم شرعي من المحكمة الجزئية بنجران بسجنه ومعاونه 6 أشهر وتغريمهما 214 ألف ريال حيث دفع المدان الذي أنهى مدة السجن نصف هذا المبلغ وأطلق سراحه وبقي المدان الثاني داخل أروقة السجن العام بمنطقة نجران لإدانته في قضية أخرى.
وعلمت مصادر وفقا لصحيفة الوطن أن المحكمة الجزئية بالمنطقة أصدرت حكما شرعيا قضى بإدانة كل من "ش- د " و"ف- د" بقضية مجزرة غزلان الربع الخالي الموجهة إليهما وذلك بعد أن نفذا عملية قتل وحشية أظهرت صيداً جائراً نفذ في إحدى محميات الربع الخالي وأبديا في مقطع فيديو، تداولته أجهزة الهواتف النقالة، فخرهما بقتل 20 غزالا منها 5 رؤوس من نوع المها الوضيحي المهددة بالانقراض وحكم عليهما بالسجن 6 أشهر وتغريم كل منهما مبلغ 107 آلاف ريال مقابل عدد الغزلان التي قتلت في عملية الصيد الجائر.
وأكدت مصادر " الوطن " أن أحد المدانين قضى محكوميته داخل شعبة سجن نجران العام وخرج قبل بداية شهر رمضان المبارك بعد أن دفع الغرامة المالية المسجلة عليه التي تضمنها الصك الشرعي الصادر في القضية وبقي المدان الآخر نزيلا في نفس السجن لإدانته في قضية أخرى وذلك بعد دفعه لغرامة مماثلة في قضية مجزرة غزلان الربع الخالي.
بصراحة مستغرب من إلي سوووه ممكن يصيدولهم واحد علشان ياكلونه بس يسووون مجزرة ما يصير بصراحة يستاهلون العقاب إلي جاهم لان هذي همجية ويبيلها رادع والشغلة كانت بس هياط بهياط وعلشان يصورون ويورون الناس المقطع ما يصير الكلام ذا الناس تموت من الجوع في البلدان إلي البرا وحنا ما زلنا غير مبالين ومحنا حاسين بالنعمة إلي احنا فيها يارب لا تغضب علينا وارحمنا ..
طيب وسيلة الصيد من سلاح وسيارة هل تم مصادرتهما حسب النظام .؟ الحقيقة حكم تافه جدا
واقول لهؤلاء للمتخلفين هل هذه هي المرجله ... على بهايم .!!؟؟
قاتل الله الجهل واهله والله لو كانوا بأحد الدول الاروبيه والتي تمنع الصيد في بعض مناطقها
لهالك ماتسمع من احكام بعشرات السنين ،، ولكن لدينا يصدر الحكم على استحياء ووجل
لكن هذه علامات لاتبشر بخير للحكومة وهي بداية النهايه وبداية النكبه للبلد
.
.
.؟
.
مدة محكوميتهم ارى انها قليله في مثل هولاء العابثين عبثوا بزياده عن الحد وحسبي الله عليهم
وليش ماتكتبون اسمائهم وشهو ش-دو ف-د ملائكة هم اكيد مجرمين
محكوميتهم ارى انها قليله في مثل هولاء الاشكال اصطادو مايقارب عشرين ومن النوع المهدد بالانقراض من بلدنا الحبيب حسبي الله عليهم
قيمة دية آدمي
6 أشهر غير كافية .
هذا المفروض يسمونه هدبدب يسجن لقتله غزال وغيره يقتل أوطان.
6 أشهر بس..
أقلها سنة المفروض
عشان لا يفكر أحد مجرد تفكير،،
والله حرام 20 غزال راحوا ضحية هالمتخلفين..
مايدرون أن الدولة استغرقت سنوات من العمل والجهد للحفاظ على هذه 20 ،، وهم
بكل برود يقتلونها،،
يعني من قل الأكل ،،، حسبي الله عليكم حسباكفا..
السلام عليكم وكل عام وانتم بخير ... طيب هذا صايد كم غزال وسجن وغرم ؟ ممتاز . طيب واللي سرق اراضي ومناقصات مشبوهه ومئات الملايين . ايش صار عليه ؟؟؟ خصوصا ابو ميتين مليون ؟؟؟ عجحبي من بعض الاحكام التي تطبق على الظعيف فقط ؟؟ عشان كم غزال يسجن سجن وتسجل سابقه ويمكن ينفصل من عمله !!!غرمه وخلاص . بس انا اعرف السبب ! اكيد ماعنده واسطه
صدر حكم شرعي من المحكمة الجزئية بنجران بسجنه ومعاونه 6 أشهر
والله ظلم بس 6 أشهر المفروض 12 سنه
ههههههههههههههههه عندي المقطع تستاهلو
ليه ماعزمتونا
الغزلان هذي ماهي لكم هذي حقة طوال العمر انت حقك نص دجاجة مع بخاري ولا اثين شاورما مع البيبسي ولا الغزلان خلها لهم اذا طلعوا في الشتا طلعات برية يالحبيب
ههههههههههههه والله كفو ابن آخي
نتائح المهايط = سحن وغرامةههههههههه ههه هه
الصيد ليس حرام فلذلك على اي اساس يسجن القناص ياخي الى متى وكتم الحريه عدم الصيد عدقياده المراه عدم وجود عزاب منطقه عوائل ممنوع الاختلاط ممنوع السرعه حتى فلتك يتحكمون بالمخطط ممنوع تحط شقق فوق عشان ماتستفيد ممنوع احد يبيع بسيارته بالشارع اشتروا من البنقالي خضره فاسده بشكل نظامي ممنوع تكد بسيارتك الخاصه ممنوع رفع صوتك على القاضي وكانه صحابي او نبي ممنوع الموقف لكبار الشخصيات والاسوف تسحب سيارتك قسم بالله بلد متخلف الاجنبي اخذ راحته اما السعودي فياويله كلش ممنوع
والله قليلة في حقه المفروض تقطع يده .. الدوله حفظها الله محافظة عليها وتخسر عليها الملايين
ويأتي شخص متخلف ويقوم بقتلها لو قتل واحد ممكن نقول صيد ولكن شوف الكم الهائل الذي قام بقتله .. حسبي الله ونعم الوكيل ,.
عافيه عليك ياحكومتنا يستاهل هذا المسرف الجبان
اعداء البيئة خخخخخخخخخخ
ياخي كان صدت وحده بس وتعشيتها انت وأهلك ماكان اصرف لك؟
ليه الطمع والصيد لأكثر من حاجتك .
والله يستاهلو اكثر من كذا عشان يعرفون ذا المهايطيه هم مادروء لو حرمه ولا ورع جاء في ايده سلاح
راح يعمل مثل ماعملو من قتل جائر وفساد كذالك في الاخلاق
أسأل الله العلي العظيم أن ينتقم من كل متشمت
هؤلاء رجال معادنهم نادرة المفروض يجندونهم يستغلون قدراتهم ومعارفهم
الآن البهيمة أصبحت أهم من الآدمي والمشلكة أغلب المعلقين يغلب عليهم العنصرية
إذا تقولون هذولي مسرفين دوروا مقاطع صيد الضبان في اليوتيوب وشوفوا الصيد بالآلاف
وصيد الذئاب والطيور للآسف الشباب الشجعان في هذا البلد كثر لكن لا وجود لمن يستغلهم وينمي مواهبهم
فتراهم يتجهون
للتفحيط للمخدرات للغزل يريد أن يستغل وقته في أي شيء
وهؤلاء اتجهوا للصيد وش هالجريمة ما أقول
إلا الله يوفقكم يالدواسر والله يعوضكم خير
وينهم عن مجزرة الضبان التي كانت اول الصيف؟؟؟؟؟؟؟؟؟؟؟؟؟؟؟؟؟؟؟؟؟؟
اول شي استغرب الحكم على الضعيف والقوي ماحد يقربه
يعني واحد يصيد غزلان وقامت الدنيا ولا بغت تقعد !!! ليه عشانه مسكين ماله لا سند ولا ظهر ؟؟؟
طيب اوك صاد وعلى مااظن ان الصيد مو ممنوع ولا حرام ولا اظن انه اكل من بيت مال المسلمين ولا اختلس من اموال الدوله
يعني يحق له يصيد اللي يبي ومافيها شي وان كان فيه منع او تحريم اوك مانقول شي
بس القانون والشرع يطبق على الكل ماهو على المسكين والقوي ماحد يقربه
اتعجب من اللي وصلنا له واللي يصير لنا بسبة التهاون
انشري ياعاجل
لا احد منى معصوم من الخطى ومن اعترف بالذنب كمن لاذنب له الحر تكفيه الاشاره
بس ستة أشهر المفترض 3 سنوات ويشهر بأسماهم قمة الهمجية والفوضوية وغياب المسؤلية طيش مراهقين وينشرونها في اليوتيوب شين وقوي عين
والله انها من علامات الساااااااااعه
كذاااا على طووول مجززززره !! و حكم وتنفيذ وتغررريم وفي الاخير عفو عشان ينذذذذل
يفقد سنين من عمرره و عمله ويمكن زووجته اللي اكيد ما راح ترضى تعيش مع مجرم بس عشان
غزال !! طييب شوفوا له تصررريفه كبروووها على الاقل شوووي ... والله عيب يا معالي الشيخ
القاااضي .. قدروا مووقف الرجال لا تحرررجونه ..الرجال يدخل العنبر ويسوولفون هذا يقووول
قتلت اربعه اخوان وهذا يقول ذبحت عائله كامله واذا جاء دورره سكككككت .. اكيد بيكوون
مستحي وما له وجه ..
مسكين اللحين كل ما راح محل والا سوق يقولون هذا (ذباح الغزلان) وخروا عنه هذا جزار ..
اتوقع حتى اطفاله واحفاده واحفادهم بعدين بيكرهونهم اصدقائهم وجيرانهم وما يلعبون معاهم
لما يكتشفون السرر الخطير ان ابوووهم ( صاحب مجزززره و مذذذبحة العشرين غزال) على انه نقل
من مدينه لمدينه وغير اسمه اكثر من مررره .. مسكين اتوقع دم الغزلان ما يرووح من يدينه
حتى لو غسل بالبنزين ... خلاص يدينه ملطخه بالدماء ...
طيب حسبنا الله ونعم الوكيل اتقنا كل واحد يقتل غزال يتوسدهااا سته شهور ومبلغ وقده $$$$
بس تعالوا نتفق على عقاااب اللي يقتلووون الاوادم ... مو اووولى
عيب استحووووووووا
عشانه دخل محميه المسكين راح فيها
على فكره ترا الصيد حلال محله الله
انضرو الى المجازر البشريه الي تصير بسوريا . ولا احد قال عينك براسك لبشار الحصني
الحكم مناسب وان شاء الله مايتعودون له , عندنا اللي يملك 20 مليار ولا يقاله شي وهو معروف انه ناهبهن
يسعد مسائكم انا حبيت استفسر عن المحميه هذي الي لها كم سنه ولا شفنا منها شي لا لحم ولا غيره يعني محميه لمين نبي نصيد او نشتري مو تحمونها ولا نقدر نوصل لها يجي غيرنا ياكلها
والي تسبب بغرق جده صار وزير
والي صرق البلديات واهمل الطرقات وأهدر المال العام هذا انسان طيب ومحترم
والي يذبح غزال ولا يبيع بسوق البل هذا انسان مجرم
صدق انه ديرة اعراب همج
اللهم ولنا خيارنا
انا مع تعليق الاخ يزيد الحربي
جزاك الله خير كفيت ووفيت واختصرت كلام كثير
والفكره وصللللللت .
وين الي يقولون فيها فصل من الوظيفة الحكومية ..
ليه يعبثوا بالحياة الفطرية يستاهلون ما جاهم
صدق في قضايا عيني عينك بس ما حولك احد ، مثل ماقلو الاخوة الي جمع فلوس الناس وهج والي سوى مدينة الاحلام في جدة وهج لا ولا حد لاقية وهذا الضعيف المسكين سجن 110الف ريال ، الله يعوضة خير
حسبنا الله ونعم الوكيل .. عشان غزلان !!! تسجل عليه قضيه وسابقه ولا يتوظف في الدوله ويفتش
تفتيش شخصي في اي نقطة تفتيش او جمرك و اسره تتفكك ومستقبل انسان يضيع !!؟؟
عموماً الله يجزاهم بالخير ورثة الغزلان اللي تنازلوا واعتقوا رقبة الجزار المجرم الذباح
السفاح ولا تاااجروا بدم الضحايا وطلبوا خمسين مليون وصالونين و ثلاث رشاشات .. وصلح
وجاهيه وقطه وهياط وعزايم ومخيمات وحلف وتكفون يا رياجيل و هات خشمك
وخذ خشمي ابك اي هااااااااا ..
طيب اجل ننتظر الحكم على اللي تسببوا في قتل البشر في سيول جده ؟
انشاء الله نفس القاضي هو اللي يحكم ... فعلا رائحة العنصريه تفوووح !!! و عشان ماله سند
ولا ظهررر .. تذكروا الحديث الشريف انما اهلك من كان قبلكم الحديث ...
كللللللللللللللللللللللللللللللللللللللللللللل هذا اما قبل
اما بعد
فهوووووووووو الززبده وين راحت الربع مليووون اللي دفعوها السفاحين ؟
نهاية الهياط
فيه سؤال ليه ماسالتم انفسكم
تتوقعون هذا الشخص يصيد كل هالغزلان والوعول هووصاحبه فقط وين اللي حرضهم او معزبعهم اللي صادوله وتتوقعون انه لوهووحده بحكمون عليه هالحكم قسم بالله لياخذ عشر سنين سجن المهم كف كذب وتدليس علينا احترموا عقول الناس لاتستخفون بهم اعطوهم الحقيقه اذا انتم محل المسوليه
ليش قتل كل هالغزلان وبالمحميه وصورها هنا السؤال ... ممكن يكون ثار مطرودين من حرس المحميه أحد رماهم وأصاب واحد من جماعتهم المسأله ترى ماهي غزلان المسأله ثار وحقوق.. وكفو يالذيب