إيداع 936مليون ريال في حسابات مستفيدي الضمان الاجتماعي

بلغ مجموع ما صرفته وزارة الشؤون الاجتماعية لمستفيدي الضمان الاجتماعي ومستفيداته من معاشات ومساعدات لشهر ذو القعدة الجاري من هذا العام 1431ه (936.082.263) تسعمائة وستة وثلاثين مليوناً واثنين وثمانين ألفاً ومائتين وثلاثة وستين ريالاً شملت (710.802) سبعمائة وعشرة آلاف وثمانمائة وحالتين ضمانيتين .
أعلن ذلك معالي وزير الشؤون الاجتماعية الدكتور يوسف بن أحمد العثيمين وقال إن هذا المبلغ قد أودع في حسابات المستفيدين والمستفيدات من معاشات الضمان الاجتماعي ومساعداته مطلع شهر ذو القعدة الجاري حيث بدأ السحب لهذه المبالغ عن طريق بطاقات الصرف الآلي كالمعتاد .
وأكد العثيمين حرص خادم الحرمين الشريفين الملك عبدالله بن عبدالعزيز ال سعود وسمو ولي عهده الأمين وسمو النائب الثاني حفظهم الله على تقديم أفضل الخدمات للمستفيدين والمستفيدات من الضمان الاجتماعي والبحث عن المحتاج المتعفف والمستحق غير القادر على الوصول إلى مكاتب الضمان الاجتماعي مشيراً إلى أنه تم في هذا الشهر إضافة (3279) ثلاثة آلاف ومائتين وتسع وسبعين حالة جديدة من المتعففين والمستحقين من مختلف الفئات التي تشملها خدمات الضمان الاجتماعي والمتمثلة في ( الأيتام، العجز الكلي، الأرامل، العجز المؤقت، فاقدي العائل ) وذلك في جميع مناطق المملكة من خلال مكاتب الضمان الاجتماعي المنتشرة في مملكتنا الحبيبة وعددها 94 مكتباً ووحدة خدمات ضمانية .
شكرااااا لجمييع من ساهم بمساعده المحتآجيين
طيب انا من سنه قطعو الضمان عني انا وطفلي .. لان راتب زوجي نزل
هل هذا يمشي على الناس او بس انا
وانا اشوف ناس تاخذ وانا لاء
ايش معنا
والله على ما اقوله شهيد
الله واكبر
تراك صجيتنا اللي يشوفك كل شهر تطلع
وتقول صرفنا وعطينا ومدري ايش يقول
انه من جيبك الله لايشكر لك فضل
700 ريال وصاجنا كل شهر سوينا وسوينا
ياخي ترا الدوله اللي تصرفه مو انت الله يهديك
ترا كل الناس ناقده عليك
الله يستر لا يطلع بكره وزير التعليم ويقول حنا صرفنا مبلغ وقدره
هالشهر للمعلمين
ويلحقه وزير الصحه
يااوزير رحم الله ضعفك
العمل بصمت افضل من الرياء
والناس لها عقول وتفهم
الله يخليلنا ابو متعب ولا لو هي عليك
انت ووزارتك كان مااحد درى عن الضعوف والمساكين
لا وحقت العيد اللي كل فرد له 1000 ريال
شافطين من كل فرد 500 ياخي والله عيب
ع العموم فكنا من ارقامك الوهميه اللي نشوفها
كل شهر
ياليتني بس اعرف كم ينزل بحسابك كل شهر احس
انه اكبر من المبلغ اللي شفته بالخبر
يالله نصيحه لاعاد تطلع فضحتنا باي
حبيبتي سبق انشري تؤجري
قال00إضافة 3279 حالة جديدة من المتعففين والمستحقين 00 والضعف اوالضعفين طردو وهكذا كل سنه يشيلوهذا ويحطوهذا مكانه لا لانهم لايستحقون ولكن تخلصا من ازدياد العدد فهم لايريدون العدد يتجاوز المحدد عندهم اويقولون لك انت لم تتجاوز الستون عاما هذا هو الفقير عندهم امااذا كنت اقل من الستون عاما فأنت في عداد الاغنياء مالم تكن غير قادر على الحراك مشلول لكنه امر اسند الى غير اهله 0 والله المستعان0
شروط الضمان تعجيزيه ولف ودوران فيه يخلي الواحد يقرف انه يسجل عندهم
وبالنسبه للمساعده المقطوعه اللي نسمع انهم يقدمونها ولانشوفها شروطها تختلف من منطقه
لمنطقه يعني كل مدير يحط الشروط اللي تناسبه لازم تسن قوانين تكون معروفه للمستفيدين مو
اجتهاد من الموظفين بالضمان.
ياخوي يعني في نظرك ان المسكين عايشين على الضمان وتحسب انه معيشهم
والله انهم على باب الله والدليل عندالاشارات شفهم كلهم حقين الضمان .
ياخي لو نقلت الصورة لبومتعب عن غلاء المعيشة بالواقع الي نعيشة الان تغيرت امور كثيرة
ياخي لاتزود راتب الضمان لاكن امن مسكن لهم وحط حماية للمستهلك الان اسعار المواد الغذائية متفاوتة من حي لحي اخر ومن مدينة لمدينة وصارت القرى اغلا من المدن وياقلب لاتحزن.اشق هدومي .
الحمد والشكر لله الذي لايحمد سواه ولا برجاء الى اية.
واللة يخلي لنا ابونا الحنون صقر العروبة الكريم ابن الكريم
عاز الايتام اللة يعزة ويرفع مقامة دنيا واخرة
واللة لوبيدي لاخذ من عمري وعطية على مسواة النا ( احنا الايتام ذوي الظروف الخاصة )
يا ممنووون
والله انك صادق
الا وازيدك من الشعر بيت
موظفينة يشتكون منه له اكثر من اربع شهور ما صرف لهم ريال انتداب
قاعد يسوي له بوابات ومداخل رئيسية ونوافير
ويكسر مظلات مواقف الموظفين ويسوي له هو مظلات خاصة
واللي مو مصدق يروح الوزارة ويشوف مدخل المراجعين
من داخل الحي
حسبي الله على الظالم
رحت يادكتور علي النملة
اللي ماكنا نشوفك الا في ايام العيد تفطر مع الايتام بعيداً عن الاعلام
تصدقون
الدكتور علي النمله لقيته في عزاء احد موظفينة على بند المستخدمين
شوفوا التواضع لحد وين
وهذا بس يترزز
صرفنا وعطينا
وسوينا
اخاف انه يحسب انه يصرف من جيبة وحنا ماندري
بالنسبه لي مقدم في الضمان لي سنه ولم استلم شي العجز الموقت كل شهر يقولون الشهر القادم
هلا 862 ريال شهري لا يكفي ياوزير
الحين كل شهر تذكرننا خلاص عرفنا ذليتوا خلق الله
الله يكفينا شر هذه البطانه
بالنسبه أنا لي سنه مقدم علي الضمان العخز الموقت لم أستلم شي كل شهر يقولون لي الشهر القادم
هلا اقول كيف الحال 4
يسلمون عليك ضمان حفر الباطن
رح شف المسخر ه هناك
وسلامي علي البتر................$$
اي والله ذلنا ذل تقول يدفع من جيبه يوم انه كل راس شهر يطلع لنا
شيئ عجيب فعلا كل شهر طالعين لنا بهالخبر وكانهم عملوا المستحيل وجلبوا هذه الاموال من قاع المحطات ... فعلا شئ مخجل ومضحك مبلغ لا يتجاوز 800 ريال للفرد في كل شهر وكل شهر اودعنا واودعنا .... اخجولوا على انفسكم فهناك دول افقر منا تدفع اكثر مماتندفعون ولا تتوقعوا انكم فعلتم ماعجز عن فعله غيركم هذا اولا .... اما المتعاقدين فلا فضل لكم به هذه اموالهم التي اخذت منهم عندما كانو على راس العمل و انتم الان تعيدونها بعد ما درت عليكم الملايين اثر تشغيلكم هذه الامول ... اكرر ماقاله احد الممثلين الكويتيين ( كل واحد يسنع وزارته والا يسكت اصرف له ) بال مهايط
انا من شهر 4 مقدم على الضمان والى الان انا انتظر الضمان الله المستعان
وصبرا جميلا
يا أخي تراك أزعجتنا
يعني هاذي شغلتك كل نهاية شهر هجري تطلع لنا
واللي يشوف كلامك يقول هذا من حسابك الله لا يقويك
يعني مسوي فيها فشخره انت ووجهك
ترى ال 800 ريال يمكن تسوي شيء قبل خمس سنوات
أما الآن وش تسوي وصندوق الطماطم وصل 150 ريال
وكرتون الدجاج بكم وكيس الأرز بكم
يعني راحت ال 800 رز ودجاج وطماطم
وباقي احتياجات المساكين وش يسوي معها
هذا اللي يقول ( كرمه وأهله جوعا )
تعطون هالمساكين 800 ريال واحتياجاته الشهرية تصل إلى آلاف الريالات
لو ذهبت هذه الاموال لمن يستحقها لما رئيت اسرة فقيره في المملكة من قبل الضمان الإجتماعي ولاكن للاسف الشديد ان الضمان الاجتماعي والمناخ كذلك تذهب لمن لايستحقها من التجار وممن لهم واسطة .
لاكن الفقراء والمحتاجين لهم رب العزة والجلال وهو اكرم الأكرمين