قصيدة للشاعر عوض بن دشيل الحبابي

قبل الحدث ماعرف وش هي تكن النفوس
حتى عرفت الرسايل وين كتابها
****
ياهاجسي خذ من احداث الليالي دروس
والجملة الي تمرك فسر اعرابها
****
وارسم لها بين نظراتي والأحداث قوس
وخل المهمه لحارسها وبوابها
****
وانا بسوي لها منبر وكرسي جلوس
ولعلها ما تجي الا باجمل ثيابها
****
لكن جتني وتنظر لي بوجه عبوس
قالت كذا تفعل الاصحاب باصحابها
****
واشيب عيني اليا جا الناب والضرس سوس
وشفت الثنايا تشَكّى من عصب نابها
****
والعد مارود والوادي وطتها العسوس
واهل البنادق تغير وقع مظرابها
****
جوني يقولون في الوديان ذيب فروس
ولا تغدا من الصيدة ولا سابها
****
عليه من غطرست هتلر سمات ونحوس
يمشي على الارض كانه ما تمشى بها
****
قلت اه لو هي على كيفي بمشرط وموس
بقص الاوتار معاد يتغنى بها
****
حتى تضيع الروابع في ملف الهجوس
وتطيح منه العصاة الي تعصى بها
****
واعلَّمه فوق روس القوم حزبة وروس
قوم ن تقدر لحاها بكرم اشنابها
****
وانا رفيق النشاما مبعدين الرموس
الي تشيّد بيوت العز بطنابها
****
لو قيل منهم ومنهي له بقول الفحوس
الابت الي تجمل من تعزوى بها
****
عزوت ظفر ما تبيع المرجلة بالفلوس
ولا تحمل حمول الشرهه ركابها
****
الشاعر عوض بن دشيل الحبابي