قصيدة للشاعر عبدالله المالكي

بين صكات الزمان وبين صكات المصايب=خاطر الوقت الردي مع خاطر النفس الرديه
يجتوِل في خاطر المغبون نسمات وهبايب=من ردى وقته ومن غل النفوس الغيهبيه
يا ردي الفكر يا مال العنا مال النشايب=يا قليل الرشد يا راع القسا والعنجهية
انت حاطب ليل ما فكرت في بعض العقايب=لين خمّيت العقارب مع حطبك بلا رويه
الوطن غالي ودونه كل غمر وكل شايب=والوطن يحميه بعد الله جيش وبندقيه
والسلاح مجهزينه للسلام وللحرايب=ما يثور الا ليا جارت على الباغي سنيه
وقفوا يا زمرة الارهاب يا مال العطايب=طمعةً في دارنا تصبح عواقبها عنيه
الخطط بارت وفي قلب الردي شبت شبايب=اجهضتها قوة الدوله وحزم الداخليه
عاصفة حزم الملك سلمان ما فيها غرايب=هندسة قايد محنك من هناك ومن هنيه
قادها محمد ولد سلمان محمود الضرايب=واوقف الزحف المجوسي عن دعاويه الدنيه
يا ملكنا نادنا ونجيب ونحث الركايب=يشهد التاريخ ما تلقا عزايمنا ونيه
خض بنا فالبحر وآمرنا سرايا مع كتايب=خض بنا جو السما والبر ونعيد الهويه
ابشر إنّا لا احتمى الميدان بنرد الذهايب=تحت راية لا اله الا الله اتطيب المنيه
والامن والداخليه بيد جلاب الكسايب=بيد بن نايف محمد هيبة الدوله قويه
يا الله ان تنصر بواسلنا ملبين الطلايب=جيشنا اللي يحمي احدود البلاد بكل هيّه
الشاعر / عبد الله عطيه العصماني المالكي