قصيدة للشاعر مشعل السابر

سلام لكل يامي عاصبٍ راسه لفعل الجود
بمعنى ياسلام الله على من قال انايامي
حداهم لاوقف وقت الشدايد مثل وصف الطود
شديد قبل الاسلام وشديد بعد الاسلامي
افاخر وافتخر فيهم ولايلحقني المنقود
وهذا راي قحطان العريبه والهدف سامي
نعم ياحلفنا الوافي نعم يافزعة المظهود
لشدات الزمن نذخركم وزلات الاقدامي
نقدر يام لو ان القبايل ماعليها زود
ولكن حلفنا الثابت مع دورات الايامي
فهم سيف صقيل في الملاقا قاطع مجرود
وهم طاسٍ على راس الشجاع الفارس يحامي
وحنا درعهم وليا نخونا جو عوال العود
على صوت الزهم ندجر ونارد غصب والزامي
هل الردات في الهيات مجدً خالدً مشهود
نورّد سيف ونكرّم لياجا وقت الاكرامي
فلا نخدع ولانركع سوا للواحد المعبود
ولانظلِم ولانُظلم وناخذ خير الاقسامي
خذيناها برمح وسيف قبل يورّد البارود
على عوص النظا وخيولنا ماتلجم الجامي
نزلنا نجد يوم ان القبايل حاوي ومردود
نزيح جموع بعد جموع مافيها تفلهامي
ومن فضل الله وخيره رزقنا الله بابن سعود
عسى حكمه يدوم ونهتني في خير وانعامي
ويبقى حلفنا الثابت بعد ذيك الليالي السود
ولايمكن تغيّره السنين وشهب الايامي
-
مشعل بن سابر