سرى ليل القصيد وقام يقنب هاجس (ن) ما ارتاح تحت عج الرياح العاتيه من جور الايامي صناديق المعاني قُفلت والهاجس المفتاح وسيسان القصيده تنبني من نزف الاقلامي وصوتي بالرضا في جرهديت خافقي صداح وعيني مبصره في شوفها والدرب قدامي انا بنت ن تقول الشعر والمعنى لها مسراح لها مبدأ يروي من يجي للمعرفه ظامي ذخرت الجزل لك يمه وسطرته على الالواح اعبر عن غلاك انتي واعزفه باعذب انغامي تباهي يا قصيده واللبسي من نورها الوضاح ومن طهر المبادي والعفاف وذكرها السامي ومن نبل الخصال اللي كساها بالعفاف وشاح جعل رب الملا جنة رضاها تحت الاقدامي اهي منبع صروح العلم والامجاد والاصلاح عسى شعري فداها والحياه وباقي اعوامي اهي كوكب جمعنا في كنفه همومنا تنزاح تنورنا على الدرب الصحيح ودين الاسلامي اهي عن ظلمة الليل العتيم لخافقي مصباح وهي قمة منارات الحنان وطب الاسقامي اهي عزي وفخري بارقي لما بخيره لاح وهي مجمع احاسيس الغرام ومصدر الهامي بعد وصف الرسول ابها ثلاث بمجمع الاصحاح علينا نَتبع قول الحبيب وسِيد الانامي منوه
