"صحيفة طريب" قصيدة للشاعر مضواح بن شتوي

يا بنات الفكر يافارهات المعاني
سجلي واكتبي لي بنت حرٍ عفيفه
تعجب عيون من شاهد وتطرب الأذاني
وتطرب بيوت ابو الطيب ورمحه وسيفه
اتجمل بها والله مجمل لساني
احذف البيت وأعيده واكرر واظيفه
خائف من كلام فلان ولّا فلاني
شرهة اللي يعرف الكايده والخفيفه
في مقام الثقافة والأدب جيت عاني
حسب دعوة سعود اللي ثنا قدر ظيفه
في صحيفة طريب ولأجل منهو دعاني
جيت أشارك وابارك فيك يا افضل صحيفه
الثقافة هنا والمجد رفرف وباني
مثل صقرٍ على القمه ينومس رفيفه
من كوادر وطنا .. إلا رموز قحطاني
المصادر صحيحه والمقاصد شريفه
الحقائق هنا والصدق سيف وعناني
في صحيفة طريب إلها مكان ووظيفه
حان قطف الثمار الآن حان الأواني
مايذري الذراء غير الجبال المنيفة
ولايروم العلاء من راح له درب ثاني
مايرومه سواء اللي دين ربه حليفه
الشكر والعفو لله والامتناني
ثم لاهل النوايا الصافية والنظيفة
الوطن له حقوق وله مقام ومكاني
ماتجاهل حقوقه غير ناسٍ ضعيفه
والعدو لو تمنا ما تفيد التماني
كلنا شعب واحد ماغدينا نصيفه
حسب نهج الحديث وفي ظلال القراني
وحسب سنة رسول ماتندّم وليفه
مملكتنا الفتية شامخات المباني
في قيادة مليك صار سادس خليفه
نقضي أيامنا بين الفرح والتهاني
والدول عايشين في حروب مخيفه
نحمد اللي منحنا نعمته والأماني
خير ربي يظاهي سيل وادي حنيفة
وآخر القول شكرًا يا رموز قحطاني
يا كوادر الأدب وأحب وأفضل صحيفه
مضواح بن شتوي