سيرة بطل .. قصيدة للشاعر محمد بن معدي

قصيدة بعنوان " سيرة بطل " ..
و هي في سمو سيدي صاحب السمو الملكي الامير : فيصل بن خالد بن عبدالعزيز . أمير منطقة عسير حفظه الله .
كسى وجه القصيد الخير و استبشر فرح وإجلال=على طاري ( ولد خالد ) منار الطيب و الطاله
بياض الطّرس و حْروف الهجا و إمجاذب الموال=وفا .. ضمّت حروف اسمه .. تبَاشَر فيه مختاله
كذا .. يا سيّدي ( فيصل ) تخلّد سيرة آلابطال= لا صار اسم الفتى ذايع .. نتاج لراهي افعاله
و انا يالفيصلي منّك عشقت العزم و آلاقبال =ربا في داخلي طبعك .. شموخ و سامي رساله
تعلّمنا من اطباعك تواضع جمّ .. طيب خصال =روينا مِنْك يا عيلم و فير المدّ و جْزاله
عطائك تشهد إله المنطقه .. وتردّد آلاجيال = ( عسى من خلفك يلقى من الفردوس منزاله )
تقود الزّمل للعليا .. حماك الله يا جمّال =طموحك ترجمه واقع .. نعيش اليوم بظْلاله
و إذا قالوا " عسير " اقول يسر .. وكل شيٍ عال=مدام قنوف ( ابو خالد ) تصب الغيث همّاله
سراة ابها تغنّا بك .. وجاراها سَهَل و جبال =و لاحت بالولا يمنى طريب .. وترقص تباله
وذي بيشه .. من أمجادك زهاها التاج و السّلسال=و لَبْسَت من كرم جودك ثياب العز و القاله
" عداله " يا سمو المجد ذا نهجك .. و سمح قْبال=فعلت الخير ..ترجي به رضى الرحمن و افضاله
بشر هلت مدامعها " فرح " ياصادق الاقوال !!=لو إنّ الحزن داخلها تطوول و تقصر حباله
تواسي من ظنى كبده فدى حد الوطن بالحال= و تمسح دمعة ايتامٍ على الوجنات منهاله
لك إمن قلوبنا نبض الولا .. و إلك الحشا مدهال=و بِك راعِ الشعر غنّا .. و كلٍّ طوّح عقاله
كذا يا سيدي ( فيصل ) تخلد سيرة آلابطال=لا صار اسم الفتى ذايع .. نتاج لراهي افعاله
و إذا قالوا عسير .. اقول يسر .. وكل شيٍ ّ عال=نعم يبرا لك المنصب .. لأنك كفو تبرا له
..
الشاعر محمد بن معدي