ست الغلا

ست الغلا يوم أقول لك إني تذكرتك لا تظني أني نسيتك
لا تظني أني نسيتك ورجعت وتذكرتك
أنا تذكرتك مع أني والله ما نسيتك ومستحيل ويستحيل أنساك
ست الغلا أنا ودي أسألك
فيه أحد ينسى نبض قلبه؟
فيه أحد ينسى نظر عينه؟
فيه أحد ينسى مشاعر إحساسه؟
فيه أحد ينسى تردد أنفاسه؟
ست الغلا حتى لو كان فيه أحد ينساها.. عني أنا مستحيل أنساك
لكني دايم أحس بأني تذكرتك وأنتِ دايم في قلبي وعلى بالي
والله أنا ما أدري كيف أتذكرك من غير ما أنساك!
صدقيني أنا ما أدري
لكن اسألي قلبي أكيد هو يدري
أو يمكن ذكراك بقلبي زادت
ويمكن مع الزيادة أحسست أني تذكرتك
أو يمكن الذكرى على الذكرى تجدد الذكرى
ومع كل دقة بقلبي يتجدد بها ذكراك
لكن كيف أعد لك دقات قلبي يا قلبي
كيف أعدها لك من يوم إنك رحلتِ لحد اليوم
لكن أبسط شيء أقول لك إنها بكثييير
أكثر من تردد أنفاسي
وأكثر من عدد رمشة هدب عيني يا نظر عيني
بكثير أكثر من حبات الرمل التي بينك وبيني
وأكثر من ذرات الهوى الذي يلف ويدور بهذا الكون
بكثير أكثر تجدد ذكراك في قلبي
وبعدد ذكراك وتجددها يزيد لك الغلا والشوق
وزيادة الشوق دايم تبكي قلبي قبل عيني
لكن القلب يبكي بصمت وبصمته ساتر ادموعه
والعيون هي اللي بدموعها بين الناس مفضوحة
وعن الناس أنا ما أدري كيف أداري اعيوني وكيف أداري ادموعي
ست الغلا كل هذا من ذكراك وأسبابه
وذكراك دايم في زود يوم على يوم
وحتى لو باقي بعمري يوم بيزيد به ذكراك
ست الغلا من عرفتك وأنتِ بقلبي
ست الغلا لا تخافي لقلبي ذاكرة وسيعة ما تحتاج تبديل تسعكم جميعا أنتِ وذكراك وغلاك
تسعكم على مدى عمري يا بعد عمري،،،،،
ست الغلا لا تظني أني نسيتك ورجعت وتذكرتك
ست الغلا لا تظني حتى لو كان مجرد ظن
المها