بدر العتيبي، خالد السويلمي- سبق- عرعر، تصوير صالح الثبيتي، محمد غلفان: نفذت القوات المشتركة بوزارة الداخلية، يوم أمس، في "جديدة عرعر"، التمرين التعبوي "وطن 85"، بحضور قائد قوات الطوارئ اللواء خالد قرار ومدير حرس الحدود اللواء عواد البلوي. واستمرت العروض العسكرية في الجو وفرضيات الاقتحام والمداهمة والتفجيرات أرضاً لمدة 45 دقيقة بمشاركة من الطيران في ظل حماس كبير لرجال الأمن المشاركين من ضباط وأفراد.
وأثارت التمارين قرائح الشعراء المشاركين من رجال الأمن فحصلت مساجلة شعرية بين شاعرين من حرس الحدود، حيث ارتجل الرقيب أول محمد صالح الغامدي قائلاً: باثني الترحيب والشك زايل بقواتنا إلي طيبين الفعايل لا جاء نهار الجد سووا الهوايل والله يعز المملكة ويحماها بابك يا راعي الأمن ملغي ومقفول وحنا ترى نملك تدابير وعقول نرهب قلوب الناس بالعرض والطول والله يعز المملكة ويحماها حنا برامجنا على نهج الإسلام نقف معه بسيوفنا لا بالأقلام وأنتوا تسمونا هل إرهاب وإجرام والله يعز المملكة ويحماها شعارنا يالعسكري وينه الموت من يقترب من يفجر بريموت دارك بناصلها ولو بيننا فوت والله يعز المملكة ويحماها لولا أنضمتكم على الحدود إمعروفة ومدربين إرجالكم على البروفة صغيرنا عندك بعينك تشوفه والله يعز المملكة ويحماها توي عرفت أن الوطن دونه إرجال يحمون حده من شرورات الأنذال دون الوطن من دار لا دار رحال والله يعز المملكة ويحماها حسبي على إلي دونهم جندونا وعلى ملوك إبلادنا حرظونا الله ينكبهم يبو ينكبونا والله يعز المملكة ويحماها أنا معك دون الوطن ببذل الروح ولا عاد لي في منهج الشر مصلوح جندي وتحت الأمر من وين ما روح والله يعز المملكة ويحماها هيا نردد واصلي يا بلادي ونقول لك لبية لا جاء المنادي حنا رجال الأمن ضد المعادي والله يعز المملكة ويحماها نحمي حدوده من طريف لشرورة ونقف معه يا خوي عند الضرورة وحنا حزامة في الملاقا وسورة والله يعز المملكة ويحماها
وردّ عليه الرقيب مضواح القحطاني بقوله: يا مرحبا ترحيبة ساسها ساس بضيوفنا الغالين من كل الجناس وقواتنا إللي شوفها يرفع الراس والله يعز المملكة ويحماها الليلة الليلة نبا نفتح الباب ونطرب هل الطالات عكفان الأشناب ونفتح مواضيع التطرف والإرهاب والله يعز المملكة ويحماها برمجت مخك ونت دوبك صغير وعلى برامج فوضوية تسير وأنا أدري شيك الخوارج يجير والله يعز المملكة ويحماها أنظمتكم بشّروها بالفلاس لونها تسعى لترويعة الناس الدين متبري عن أخساس ونجاس والله يعز المملكة ويحماها دون الوطن قوات الأمن البواسل ما فيهم إللي في المهمة تكاسل حصن منيع وسيف حد وسلاسل والله يعز المملكة ويحماها أهل العزاوي في نهار المجابة كم مفسد ماهي بتحسب حسابة سيف تعزوا سلتة في نصابة والله يعز المملكة ويحماها في ظل أبو فهد عسى الله يديمه ملك ملك راعي اليمين الكريمة ما هو بيرضى للمواطن ظليمة والله يعز المملكة ويحماها ولي عهده في المواقف عضيدة مقرن وطابت فيه نظم القصيدة طلق الحجاج إللي علومه سديدة والله يعز المملكة ويحماها ومحمد إللي كل علم يديره الأمن همة فوق شبة الجزيرة وعينة على شعبة ودارة سهيرة والله يعز المملكة ويحماها دامت بلادي دايم في الطليعة في ظل أخو نورة وحكم الشريعة وقوات الأمن أهل السيوف البريعة والله يعز المملكة ويحماها
