يا سعود شان الوقت

وايامنا سود
من يوم نور العين أقفى عن العين
راح وترك خله عقب دين وعهود
الله حسيبه وين عرف المحبين
وين الوفا خيب رجا فيه معقود
باع الموده وانتحى بعد يومين
وانهى العلاقه ظلم وعناد وجحود
قطع حبال الوصل ما بين روحين
ما كنت اظنه يجزي القلب بصدود
ويطوي سجل ايام وشهور وسنين
لاني عطيته من حياتي بلا حدود
حتى على دربه زرعت الرياحين
لكنها الدنيا والاحوال يا سعود
تصبح سعيد وبالمسى تشكي البين
ومخفيك انا محتار والحال ملهود
صعب الفراق وصعب طرد المقفين
ما هو غياب ظروف ونقول بيعود
خلاص صار الدرب واياه دربين
المهندس عايض الميلبي
ينبع