فرحتنا بشوفك كبيرة

اليوم فرحتنا بشوفك كبيره
وأحساسنا جينا نسطره بأبيات
ياسيدي يانور شبه الجزيره
ياكاسب بالمجد روس الطويلات
يا أرحم بشر دمعة طفل تستثيره
ويحول ادموع اليتامى لبسمات
يحرث مساحات القلوب الوفيره
ويزرع مبادي فاضله شاهد إثبات
على نقا نفسه وحسن السريره
وحفظ الأمانة والكرم والمروات
يعين من باتت همومه كثيره
ويسد حاجة من ظروفه رديات
نهض بشعبه والرخا عم خيره
وأعطى لهم واجزل بكف العطيات
وبنهضة التطوير في كل ديره
صعد بنا نحو النجوم المنيرات
ملك صنع من جنس حوا وزيره
وأثبت بأنهن للمناصب جديرات
وان المره بالمجد دايم خشيره
مثل الرجل بالضبط ماهن عقيمات
ياسيدي وإحساسنا جاك طيره
اللي سجنه الصدر وأبدته الأبيات
الك الولا من شاعرتك الصغيره
اللي تمنى شوفتك كل الأوقات
وآخر كلامي يالله أنك تجيره
من كل مكروه ومن كل سيات
تاج الغرور