جيتك يتيم إحساس

جيتك يتيم احساس عايف زماني
عندي شعور ان نظرتي لك اخيره
وعندي كلام منعقد في لساني
ودي اقوله بس خايف تثيره
وعندي خفايا فيها عدة معاني
ودي أبظهرها و نفسي فقيره
فقيره لنظرة حب و ليل الاماني
وقلب ملك حبك صعب يخيره
وكل الكلام اللي اعرفه في زماني
صعب اني اوصف فيه احلى خشيره
ودي ألحن قصتي في أغاني
اكتب كلام الجرح بجمله صغيره
ودي أسير الليل وابقى أعاني
وابقى اسير الحب وأنت الاميره
انا الذي بالحيل زايد حناني
وانت اللى احساسي جرحتي ضميره
واليوم أنا قرب يضيع اتزاني
وافقد شعورى بسب خصله صغيره
بعد الهوى والحب قلبك نساني
وساويت انا بشوفك اردى حصيره
وجيتك يتيم احساس عايف زماني
وعندي شعور ان نظرتي لك اخيره
عبدالعزيز حريصي