موت الشهادة شرف لمكملين العهود

ياراية العز على فوق راس العمود
على جبال الجنوب وقمة أهضابها
حنا الجنود البواسل محتمين الحدود
دون الوطن ترخص الهامات وارقابها
حنا عمى العين للمتسليين القرود
كم ليلة في عيون الشر مشهابها
ياما سهرنا ليا نامت عيون الرقود
بين الرميح وجبل دخان وشعابها
النصر خيل خياله فيه برق ورعود
من فوق روس العدا ياسرع صبابها
هذا الوطن لا بغوه المعتدين الحسود
المملكة من بغاها يحسب حسابها
من يستبيح أرضها من حيث أتاها يعود
كم واحد له مطالب ما تهنا بها
موت الشهادة شرف لمكملين العهود
ونفوسهم تدخل الجنة مع أبوابها
مادام راسك يا أبومتعب لنا في الوجود
مهما تكون المصايب ما بالشنابها
انتم ولاة أمرنا وانتم عيال الفهود
كم علة وانتم إللي يعرف أطبابها
الحكم حكم الشريعة منهج آل السعود
أحفاد عبد العزيز مثبت أطنابها
يالله طلبناك ماغيرك إله معبود
تحفظ بلاد سكناها وعشنا بها
أرض الرسالة عليها يلتقون الوفود
من كل حدب وصوب اتسير بركابها.
سعد الله زايد السلمي