مغاريف الأعماق

الاحبة الكرام في صحيفتنا الموقرة كل عام وانتم بخير
تقبل الله منا ومنكم الصيام والقيام ,
وعيدكم مبارك ,,,,,
وش أنت يالأنساس من غير الأخلاق
تراك دم وجلد وعظام وعروق
من غيرها وشلون تُقبل وتنطاق
اجل عليك حقوق ولنفسك حقوق
ليه اتكبر وتمادى وتنساق
خلف الوهم وتناظر الناس من فوق
لوكان في صيتك تجاوزت الأفاق
مالك غنى عن خدمة الناس بالذوق
ترى الحياة أيامها وصل وفراق
ومن لابذر مايجني ثمار وعذوق
عمرك خريف سنين وأيامك أوراق
ياما بها بتعيش وتشوف وتذوق
واعرف ترى الألسن مغاريف الأعماق
وإلا ترى الإنسان بالأصل صندوق
الصمت حكمه كان من حولك ابواق
بس الحقوق اليوم تحتاج لحلوق
خلك لقول الحق صامل وسباق
مادام ثوب الزيف سامل ومشقوق
واُقطف من ورود الحكي كل مالاق
وتخيّر الألفاظ زملوق زملوق
في كل شي الناس رغبات واذواق
واللي ربح بالسوق يثني على السوق
والأدمي عايش مع الوقت بسباق
والطيب بين الناس سابق ومسبوق
والقلب ماله عن هوا شفّه رواق
واهل الهوا تلعب على كل طاروق
هذا الزمن فيه اغلب الناس عشاق
تتعبهم الفرقا ويضنيهم الشواق
والصيف حره حر واشواقه اشواق
يشعر به اللي من هوى البعد مخنوق
عطاالله ممدوح -الخرج