جلّ من بامره ميكاييل السحاب يسوقه الحواس الخمس يمه كلّها تواقه ودي اسمع صوت رعده يوم شفت بروقه وودي أعرّض يدي ودقه واذوق اذواقه والمسه واشمّ أوزونه مع حدار حقوقه ماني اللي خايله طامع تحيل أنياقه حاسب حسابه متى ترعى الابل زملوقه ما عليه من البروق ولا تهز اشواقه لو ربيعه بارضها بشبوكها مطقوقه المعنّى بالبروق اللي تضيق اخلاقه بالبلد تقول طيرٍ مدركات سبوقه سجته بالروض الأخضر بلسمٍ لاعماقه اليالعبت طاروقها الورقا لعب طاروقه مايهمه هم لو كان الحوال رقاقه السعاده واسعه وسع الفضا من فوقه انّما هذا طمعي وإذا عليه ألحاقه لو تعدى ما تعدى جارة الرقروقه ونضرةٍ تهدي المشاعر من زهوره باقه وانا أباهديها الخوي اللي رفيعٍ ذوقه لخوّته مبرم عهد من عاهده ما باقه والوفاء طبع العزيز اللي عزاز عموقه ما ذكرت أعلاه وانت فداك كل علاقه غايتي دنياك ذي مطرودة ملحوقه البلا والله رهين الباب جنب الطاقه اليا تكالت ضيقته لين كسرت دانوقه المحل مثل الرفيق الصلف خير افراقه يصتفق واليا اصتفق ثم اصتفق منطوقه مثله العام الشحيح اللي تشح اوفاقه والأمر لله بديع الخلق في مخلوقه الشاعر - عبدالله بن يوسف المزيني
