"شيل إيدك من مناخيرك" .. أغنية شباب الفيس بوك ل"مبارك"

انتشرت مؤخراً وتحديداً بعد أولي جلسات محاكمة الرئيس السابق مبارك علي موقع التواصل الاجتماعي "فيس بوك" أغنية بعنوان "شيل إيدك من مناخيرك" علي غرار أغنية "بولا بولا".. الشهيرة للأطفال
خاصة بعدما التقطت عدسات الكاميرات الرئيس المصري السابق وهو يضع أصبعه في مناخيره بصفة مستمرة طوال جلسة المحاكمة.
تقول كلمات الأغنية :
"شيل ايدك من مناخيرك.. بكرة هاتيجي تشكيلك .. وتجيلك اللحمية .. وارتاح منك شوية.. شيلي شيلي ايدك من مناخيرك.. وينك يا صغيورة وين بنقولك .. شيلي اديك من مناخيرك. ولا إيه انتي حرة في مناخيرك.. . اوعي تسمعي كلامهم وتعملي كده تاني قدامهم".
كما ظهرت صفحة (مناخير مبارك) على الفيس بوك . و سيظل المصريون دائما يدهشون العالم وأنفسهم بروح الدعابة التى يتمتعون بها، وبعيدا عن تفاصيل المحاكمة التاريخية للرئيس السابق حسني مبارك، ركز المصريون هذه المرة مع مبارك وهو يعبث بأنفه أثناء مثوله فى قفص الاتهام .. وسلطوا الأضواء على هذا المشهد، وأصبحت "مناخير مبارك" حديث الساعة في موقعى "فيسبوك" وتويتر. وانفجرت موجات من "الألش" والسخرية من مبارك. !!
وتم تدشين عشرات الصفحات التى حملت أسماء عدة، منها على سبيل المثال لا الحصر"
*حسني مبارك رئيس جمهورية سابقا وبيلعب في مناخيره حاليا"،
*"مناخير مبارك"، "حملة تنظيف مناخير الريس"،
*"مناخير مبارك أول مناخير فى التاريخ خلف القضبان"،
*"مبارك بيلعب فى مناخيره خلف القضبان"،
* "مبارك وهو يلعب فى مناخيره انشرها بقدر كرهك لمبارك"،
*"الراجل اللى نايم فى القفص وبيلعب فى مناخيره"،
* "الراجل اللى كان صباعه فى مناخيره جوا القفص"
وغيرها من الصفحات الأخرى التى استخدمها المصريون لينتقدوا من خلالها ما اعتبروه لا مبالاة وغرورا مبالغا فيه من رئيس دولة يواجه تهما بقتل شعبه وإفساد بلاده.
كما انتقدوا أيضا التناقض حول حالته الصحية والتى بدت لهم جيدة مع التسريبات الإعلامية حول سوء وتدهور حالته الصحية وإصابته بالاكتئاب والتى سبقت محاكمته، معتبرين تلك التسريبات مخططا متعمدا لتعطيل المحاكمة وإفشالها بعد أن جعلتهم يفقدون الأمل فى محاكمة مبارك،
إلا أن اليوم بعد أن شهدوا محاكمته وهو ماثل فى قفص الاتهام شكك بعضهم فى إمكانية مثوله مرة أخرى أمام هيئة المحكمة خصوصا بعد حضوره اليوم على سرير المستشفى والذى اعتبروه تمهيدا لعدم حضوره مستقبلا أى جلسات مقبلة.
كما استنكر المصريون عبر تلك الصفحات نقل مبارك للمركز الطبي العالمى بدلا من مستشفى طرة على الرغم من كونه بدا لهم بصحة جيدة وحالة نفسية ممتازة وهو داخل القفص أثناء محاكمته اليوم ومن أبرز التعليقات التى اشتملت عليها تلك الصفحات:
- الإعلام المصرى ده طلع كدااااب بشكل، فضلوا يقولوا لنا الراجل هيموت وعنده اكتئاب وقلبه وقف ومش عارف ايه ما مبارك اهو خدوده مورده وقاعد بيتسلى وبيلعب فى مناخيره كمان.
- مبارك عمال بيلعب فى مناخيره ولا همه التهم الموجهة ليه ولا المحاكمة وتلاقيه بيقول فى سره خليهم يتسلوا.
- حسنى ظهر على حقيقته كان عامل فيها بس عايش في شرم الشيخ وأول ما دخل القفص.. افتكر أيام الطفولة وقعد يلعب فى مناخيره.
- الشعب هيخرج مليونية وضع علب مناديل فى قفص الاتهام اللى هيكون فيه مبارك المرة الجاية حتى لايقوم بتنظيف أنفه بإصبعه.
- جايبينه على سرير المستشفى وقاعد يلعب فى مناخيره حتى مش عارف يمثل ويتمسكن كويس، وطبعا دى آخر مرة هنشوفه فى القفص، متعشموش نفسكوا قوى يا مصريين كفاية عليكم مرة واحدة.
- مسابقة شهر رمضان: مبارك فى المحاكمة كان حاطط صباعه فى مناخيره ليه؟؟؟؟؟ ترسل الإجابات على مكتب الأستاذ فريد الديب (المحامى) والجوائز عبارة عن كرتونة رمضان بتاعت القوات المسلحة. !!
** وعلى تويتر لم يختلف الأمر كثيرا حيث انهالت تعليقات المصريين الساخرة من المشهد ومن أمثلتها:
- الشعب يريد اللعب فى مناخير المخلوع.
- المفروض الجلسة الجاية نجيب له حد يلعب له فى مناخيره عشان يا عينى ميجهدش قلبه الرجل مش مستحمل وصحته على قده ورجله والقبر زى ما كانوا بيقولوا، على الرغم انه النهارده رجع شباب 10 سنين.. طبعا مدلعينه فى شرم الشبخ.
- واضح أن الصباع يلعب دور قوي في الثارة دي, مرة من الفنجري و مرة في مناخير مبارك.
- وبعد اللى شفناه النهارده نقدر نقول ان الموقف التاريخى أكتر من المحاكمة النهاردة هو إن دى أول مرة شعب يشوف ما بداخل مناخير الحاكم.!! ذههههههههههه