«غبتي عن عيوني»

غبتي عن عيوني وسكنتي ف بالي
يا ملهمة شعري بويتات تنساب
نفسي من الفرقى تعاني ليالي
يا اغلى من عيوني ترى الولف غلاّب
وسط الحنايا طلّتك لاتزالي
ويحفظك قلبي صورةٍ داخل كتاب
طلي عليّ ارجوك عيدي وصالي
ليه الجفاء ما بيننا كنّنا اغراب !
وش بك حبيبي صايرٍ ماتبالي
وقلبي من اسبابك مع البعد منصاب
يا روح روحي اقبلي لي تعالي
يكفي جفاء يكفي الم يكفي اعتاب
الى متى وانا بدونك لحالي
اطالع انجوم السماء والقمر غاب
صار الكدر يامنيتي راس مالي
وقلبٍ يعاني من عيونك والأهداب
ياكم اسافر وابتعد بالخيالي
مجروح قلبي والبلاء الجرح ماطاب
ياما تمنيتك قريبه اقبالي
لكن ترى الحظ الردي يقفل الباب
كانك وردتي بالحياه الزلالي
فأنا وردت المر والسعد قد غاب
لكن هي الدنيا تجي بإعتدالي
واوقات منها كم نعاني ونرتاب