خط الشمال

الإهداء: إلى خط الشمال .. و (لينه) .. وشمر
انفتح خط الشمال وشفت (لينه)
عطّرينا يابساتين الخزاما
يابَعَدْ ورْد البلاد.. وياسْمينه
ويابعَدْ شوف الشوارع والزحاما
أنعشينا عقب كتمات المدينه
مابقى فى صدورنا غير الحطاما
خلّي الوجدان يبحث لك كنينه
ماعلى المشتاق في شوقه ملاما
ياخسارة شاعرٍ ما تلهمينه
هايمٍ ماطب في وادي الهياما
توّها تنهض مشاعرنا الدفينه
ودّها تسبح مع أسراب الحماما
مايملّ اللي يشاهدها بعينه
لوحةٍ فيها يهيم المستهاما
سجّلوني في هوى ( لينه) رهينه
تعتبرني ضيفها في كل عاما
كل ماحنّ الرعد..وارسل غشينه
وربّعت فى الوسم قطعان الجهاما
شاعرٍ يهدي لها القلب وحنينه
ماقدر يروي لها كل الكلاما
ساعةٍ فيها نقضّيها ثمينه
في حرم شمّر..رفيعين المقاما
الرجال اللي مواقفهم رزينه
السناعيس العزيزين النشاما
ضيفهم يقلط على الحيل السمينه
مايهان ولايشان ولا يضاما