نادية

( راشد فارس ) شاعر مبدع تميز في إبداع الشعر بشقيه،العمودي والتفعيلة ، أقرأوه من خلال قصيدته ( نادية ) التي خص بها ( ملامح صبح ) لتشاركونا الاستمتاع بإبداعه حيث يقول:
نادية بنت عاشت فالبداوة
ماربت وسط المدن وحكاية التعليم ويدين الحفاوة
كانت أقرب للتعب والكد واليوم الطويل
كانت أقرب للسمار الزور والعود النحيل
كانت تصحي صباح البدو من بعد السكينة
كانت تمارس رجولة طبع باسم انثى فطينة
وبعدها..
وش بعدها..؟..
بعدها كان النصيب أكبر من حدود الحياة اللي ربتها
بعدها كانت على موعد مع ظروف تغير فلسفتها
بعدها كانت تساير ركب سكان وثقافات المدينة
كل يوم تضيف في قاموسها شغله جديدة
ورغم هذا كان ماضيها يحفزها على شرح التجارب لأهلها وإذا نست يرجع يعيدة..
ياناديه قولي لربعك وأهاليك=عن كل ماشفتي بوسط المدينه
بعدانطلاقة شعرك ونقشة يديك=وأفراجك لقدراتك اللي سجينه
بعد عرفتي معنى شقه وبوتيك=وشفتي تنازل مجتمع عن ثمينه
أحكي عن زحام الطرق والشبابيك=وعن فلسفات الموضه المستبينه
أحكي للأطفال :أندهاشك .. تمنيك=الواقع اللي قبل ماتعرفينه
أشياء ماكانت فالطفوله تسليك=لون .البحرطولت. مداه السفينه
حدايق الألعاب. زحماتها الكيك=حتى أصغر الأشياء لا تستصغرينه
قوليلهم عن خلطة الكهف والبيك=وعن كيف اذا أحتجتي أكل تطلبينه
أحكي ونبرات الخجل لو تراعيك=كوني جريئه قولي اللي تبينه
لايزعجك صوت(ن) يعاتبك وشفيك؟=أمانتك ماصارلك تذكرينه
من فقدك نجوم السماء في مماسيك=لشوفك اللي فالغرف تسجنينه
عن جيرة(ن) عيت تناسب مباديك=معقوله اقرب جار ماتعرفينه؟!
عن عالم(ن) لو شاهدو بعض مافيك=فتنو وكل(ن) وده اتكلمينه
هذا يمسجلك وهذا يناديك=وهذا يصوت يادلع ياحزينه
عفوا أنا ماكنت أبجرحك وأشقيك=ولو أجرحك بشعر بذنب وغبينه
أنا أدري إنك مستميته لماضيك=لطهره. لكامل فرحه. لحزينه
لجناح حريتك. لدروب أراضيك=لابعد مدى بالشوف تستعذبينه
للشايب اللي كان همه يربيك=ويزرعك فتراب الشرف ياسمينه
لام(ن) قبل دنيا البشر تحتفي فيك=أعطتك بيت من الجسد تسكنينه
ياناديه طال الحديث بموانيك=وشاعرك توه مارضى عن كنينه
في قلبه أشياء لكن يخاف يبكيك=أحسن لك اللي عارفه تجهلينه
ومن هالحياة أختاري اللي يكفيك=وأنتبهي لماتحتويه المدينه
ولو كل مافيها يشدك ويغريك=لاتخسرين الماضي وتكسبينه