جمهور مهرجان \" بريدة وناسة \" يتفاعل مع قصائد الظفيري وشيلات التميمي وموالات الشهراني في الأمسية الشعرية الأخيرة

عاش جمهور الشعر وعشاقه في مهرجان " بريدة وناسة " وفي ثالث أمسية شعرية ينظمها المهرجان أجواء شعرية جميلة من نوعٍ خاص إذ عدت من أروع الأمسيات ، وعلى مدى أكثر من ساعة عاش جمهور الشعر أجواء من العذوبة والمتعة والجزالة التي أبدع بإحيائها فرسان الأمسية الثلاثة وهم الشعراء عايض الظفيري ومحمد الفارس التميمي وفهد الشهراني بكل جدارة شعرية وإبداع عرفوا به في الإلقاء الشعري قبل أن يضطروا لتلبية مطالب الجمهور القوية لإلقاء بعض القصائد والموالات والشيلات التي تميّزوا بها ، وبدأت الأمسية التي أدارها محمد المعتق بقصيدة للشاعر عايض الظفيري مطلعها :
عزز الرب في ذاتك ولاتسمح
ذهول الموت لاح والقبر فينا
كم سرينا وليل أحلامنا يفضح
كل دمع بكيناه بمآقينا
عزز الرب في ذاتك ولاتجزع
لانكسار الشموخ اللي ربى فينا
وتلاها قصيدة أخرى مطلعها :
الله يالأيام ياهي تبي علينا تمون
كم كدرت في خواطرنا ولا نسأله
كم شاغلتنا حقيقة وأعتقتنا ظنون
كم علمتنا البعض والبعض نجهله
ثم أعطيت الفرصة للشاعر محمد الفارس التميمي الذي ألقى قصيدة في بريدة والقصيم والتي لاقت تصفيقاً حاراً من الجمهور من أبياتها :
على دروب أهل النضى والعقيلات
حثينا الركب نبغى بريدة
دار الزحول أهل الطروق المخلات
وكبار الأرياء والعقول الرشيدة
وأرض الشيوخ اللي كما نور مشكاة
تضوي علينا بالعلوم الجديدة
إلى أن قال :
من خلف رجال يقولون مامات
هذي بريدة بين قرم ووليدة
ياسكرية نجد جيناك بالذات
يافلتنه يافارعة ياعتيدة
لعيون جمهورك قطعنا المسافات
لعيون أهل القصيم ومن أجلها كتبت القصيدة
ثم بدأ الشاعر الثالث فهد الشهراني أولى قصائده بقصيدة في خادم الحرمين الشريفين مطلعها :
حبيت أحيي الوطن وأوجه الشاره
للقايد اللي فرض حبه ومقداره
لا قلت عبدالله الزيزوم أخو نورة
مليك هذا الوطن وحماه وستاره
وعاد الشاعر عايض الظفيري من جديد في قصيدته التي رثى فيها انسان حي ومن أبياتها :
كان الصديق وكان مضرب للامثال
يهذي كأن الله خلقه فقصيده
يطرب إذا سمّعته الشعر بهبال
يرد قاف العجز وارجع وأعيده
يحفظ سِيَر عشّاق وابطال أبطال
وفكل قمرا له ملامح جديدة
ألقى بعدها قصيدة قال أنها رسالة يتمنى أن لاتصل إلى أحد من أبياتها :
قولوا لمن لبّس النّية سواد الظنون
يشوف صدق ( النوايا البيض ) وش جابت
اللي كلا لحم اخوه ( بحجة ) انه يمون
لايامن الحجة اللي لا حضر غابت
( اخرجت كفي بياض بغير سو ) اش يبون؟
مديتها للسلام ، كفوفهم عابت !!
ياما من الحكي في صدري يموت مغبون
( ومبهرين الكلام ) ادلالهم رابت
ثم ألقى الشاعر محمد الفارس التميمي قصيدته " الغياب " ومن أبياتها
إن قلت وش ذا الغياب !.؟يقول أية غياب
و إن قلت هو باقي أكثر قال ماشفت شي
غادر وغادر معه قلبي ذهاب واياب
لكن ما جا .. وجا قلبي يسلم علي
طال انتظاري وصدري شارع ٍ كل باب
ولا لفى الا الفراق اللي طوى الحال طي
تموت بيني وبينه شرهتي والعتاب
وانا مع البعد حي وكن مانيب حي
تبعه الشاعر فهد الشهراني بقصيدة من أبياتها
تنام الحقايق في صحايف هل الاقلام
ويصحى الكلام اللي خذا الناس معسوله
تنامت حروف الزمره اللي تدس السام
قبل لايدب ويذبح الناس مفعوله
تنامت بصمت ومدت الناس للاحلام
روت قاع ناس ترفض الناس بوصوله
وتسهر على صوت الحقيقه وهي تنضام
وترقص على صوت المزامير وطبوله
تجاهل مصايب والسبب بطرة الانعام
واشوف النفوس ببعضها حيل مشغوله
حرام السكوت اللي يسبب لنا الام
تكلم مادام ايديك للفعل مغلوله
ثم مهد الشاعر الشهراني للجمهور بقوله :
الشعر ماله صوت ياعاشق الصوت
الشعر عشق للمعاني الجميلة
قبل أن يشيل أبيات من قصيدة له مطلعها :
عمر المحبة ماتجافي الحبايب
بس الحبايب للمحبة يجافون
وعمر الهجر ماكان وصل القرايب
واهل القطيعه بالمعيبات يطرون
أبشتكي همٍ عن الناس غايب
وأقول فزّوا ياهل العون بالعون
عاد بعدها الشاعر عايض الظفيري ليلقي قصيدة من أبياتها :
يا غايب إرجع وتكفى معك رجعني
أنا غديت فغيابك شي ماعرفه
من غبت عني وهذا الوجد لوّعني
مليت هالناس والجدران والغرفه
ضاقت بي الأرض من غيرك بياسعني
إلا حزن كل هذي الأرض أحترفه
من غبت والعالم المجنون ودعني
حتى العصافير ماحطت على شرفه
وقصيدته الأخرى
يبه تذكر حديثك ضحكة الجلاّس
ومجلسنا الرحيب بصدرك السالي
بيوت الطين يكسيها الظلام نحاس
ليا غاب الشفق قامت تبدالي
سقايفها خشب وعروقها يبّاس
جريد من النّخل دوم النخل عالي
تشكّل هالنجوم عقود من ألماس
تدانى كنّها تسأل عن أحوالي
تبع ذلك موال ال " فرقا " لمحمد الفارس
عد طعنة وطعنة ثم طعنة يمين
ودوك طعنة عديل الروح عنها يسار
في خفوق (ن)على ماقيل ظهر السمين
مير كبر الطعون يبركن الكبار
عقب ماني عشير(ن) للنشاما فطين
انهبتني حلال القوم صبح (ن)جهار
يشهد الله بعد فرقاه والحال شين
بعده الله يرجه شب فالقلب نار
تبعها قصيدته :
البعد طال وزمجر القلب الحزين من الضجر
واظهر لنا من دون يشعر مسبحته وفلها
خمسين يوم ادبرت لاحس منك ولاخبر
يازين خاف الله فيني والقطاعه خلها
اشعلت من جمرة خفوقي ليلة الفرقى جمر
واطفيته من ازرق دموع العين يوم اهلها
ثم ألقى الشاعر فهد الشهراني قصيدة من أبياتها :
البعد طال وزمجر القلب الحزين من الضجر
واظهر لنا من دون يشعر مسبحته وفلها
خمسين يوم ادبرت لاحس منك ولاخبر
يازين خاف الله فيني والقطاعه خلها
اشعلت من جمرة خفوقي ليلة الفرقى جمر
واطفيته من ازرق دموع العين يوم اهلها
وتجاوب الشاعر فهد الشهراني مع طلبات الجمهور مرة أخرى في مواله الجميل :
فمان الله برحل عن حياتك
ولكن طالبك لاتسامحيني
لأنك لو لو سامحتيني نسيتني
وأنا أبغي كل لحظة تذكريني
وعاد الشاعر عايض الظفيري بقصيدة مطلعها :
ماعاد ينبت قصيد وماتت اعشاب
والقلب ماعاد تاسعه المحاني
يغيب هذا الفضا وتسكر ابواب
والصمت يتبعني بصمت واعاني
من غبت عني وكل الناس غيّاب
بعدك ولافيهم الي مانساني
ثم شيلة رائعة صفق معها الجمهور للشاعر محمد الفارس :
اما اني انساك يامضنون عيني هذي انساها
ولا يجي لك فبال انساك وانته قرة عيوني
بعد ذلك تم تكريم الشعراء الثلاثة وعريف الأمسية من قبل الرئيس التنفيذي للمهرجان عبدالرحمن الخضير ونائبه عبدالرحمن السعيد بحضور اشلعار سالم بن جخير .
اشغلونا بالشعر صار اكبر همهم القصيد واليوم كل من خط شنبه قال انا شاعر الشعر اندفن مع الليء ماتو
الشعب السعودي تحط دار سيمنا يقولون لا مع الديفيدي موجود في غرفه كل واحد مع الافلام
تحط مسرحيه يقولون لا حرام ومنافيه للدين زي اللى صارت بالرياض
وتحط واحد يقعد يصرخ عليهم ويهيجن يقولون بس هذا غرضنا
يتفاعلون يعني يبون يورررنك انهم مستنانسين
مع الشعراء يبعهم الغاووون