سلمان العرب

من مثل سلمان العرب وقفه وذات
اللي تسيّد ف الذوات وبناها
عن فعله تسولف للأوقات الأوقات
لين ارتوت من سيرته وارتواها
يا بو فهد حنّا سيوف المهمات
بطعوننا تلقى المنايا مناها
وانفوسنا ما هيب في يدك أمانات
أنفوسنا اللي في يدك مانباها
اضربنا بحور الخطوب الغزيرات
واعبر بنا أفلاك الآمال وسماها
انت حديث الأمس واليوم والآت
فعلك جمر نار اللغات ولظاها
يامغني كفوف الشفوف الفقيرات
الله عطاك الجود والله عطاها
جودك سحابه واليدين المدارات
وصدورنا شعاب المزون وثراها
على بساط الأرض فوق المجرّات
ما تسع الدنيا فخرك ب فضاها
نظرتك ما تلحق وهمّتك ب الذات
اقصى نهايات المدى مبتداها
وإن راحت علوم الهواجيس وإن جات
نارك لحاد الحرف يوضي سناها
تمشي لك ركاب المدايح جريات
اللي ركاب الود تمشي حشاها
انت فعولك للفعول اتجاهات
من مبتدى فعولك لمنتهاها
على خطواتك للأزمان خطوات
اليا ذكرت مجدك تمادى مداها
المجد سلّمك الحصون الحصينات
اللي تذري من تذرى ذراها