ليا افتخرنا جيت كلك بطولة

==1==
للعز راس تاجه المدح والطيب==0==
==0==نهار فعله سابق ليل قوله
وللمجد يمنا عطرتها المواجيب==0==
==0==في كفها تزهر فعول الرجولة
شرواك سيف لاعوى فالبلد ذيب==0==
==0==من سطوته مايمرح الضيم حوله
وفاك يانايتف يقين بلا ريب==0==
==0==يجتاز صعبات الظروف بسهولة
وقدرك تسولف به طوال المراقيب==0==
==0==والا شموخك مسرجات خيوله
الى متى وانته ضلوعك معازيب==0==
==0==لهمومنا اللي ضيفها من حموله؟
صافحتنا صدق وبياض وتراحيب==0==
==0==وطولت شبر قصر الوقت طوله
اليا ضمينا صرت صفو المشاريب==0==
==0==واليا افتخرنا جيت كلك بطولة
وليا كفخ حر عطيب المضاريب==0==
==0==قالوا خذا من فعل نايف فعوله
دامك ذرانا مرحبا باللواهيب ==0==
==0==ودامك عطانا كل شي ننوله
عن حضرتك من جود الاشعار ما اغيب==0==
==0==كف القوافي ماتجيك مغلوله
غلاك بعروق الوفا سيل شعيب==0==
==0==لو نجحده هذي مواري سيوله
عز الله انك ترمي الرأي وتصيب==0==
==0==لارف من بين الرموش امن دوله
الطيب طيبك لانشدنا عن الطيب==0==
==0==والفعل فعلك في عيون الرجوله
==2==
طلال صالح العتيبي