يا مغيث اللي تغشاه الزمن

يالله اللي وان عطانا ما يمن
عالمن كل الخفايا والظنون
يرزق المخلوق من إنسٍ وجن
واهب الإنسان بالمال وبنون
له عطاين ما يقدره الثمن
ما نقص ما عطاه وهاب ومنون
يا مغيث اللي تغشاه الزمن
ما يخيب اللي لوجهه يسجدون
يالله انك تسقي بيارٍ ظمن
وارحم اللي فالفيافي يرتعون
بالسحاب اللي تزاحم وارعدن
كانها تزحف على البيدا بهون
ثم تجمع في سمانا واركمن
وانتثر همالها يفرا المزون
يسقي ديارٍ ظمايا وادهرن
يروي اللي بالكهارب يزرعون
من شمال المملكة لاقصى عدن
ومن شفا الطايف إلى الثقبه ودون
تمشي الوديان وسدود امتلن
والبيار اللي عليها ياردون
وطروا المرباع في شتى الوطن
وراعي الاعلاف ما يلقى زبون
والبهايم من زهوره يرتعن
والزبيدي من سواته يشبعون
تشبع الحيران صبح ويبركن
والخزامى من عطوره يروحون
من فضل ربي علينا ما يمن
إن شكرتم يالاوادام تفلحون