لآلئ شعرية

ياخيّتي اللي معه مثلك خوات
اكبر شرف انك تصيري خيّته
ياكثر لاضاقت مواقيف البنات
يوم المراجل بالرجوله ميّته
يابنت والله ذاخرك اربع جهات
احزام لا خان الزمان بنيّته
الضيق لو يجتاحني اقول هات
ماهمني واسع شقاه وسيّته
متمكنه كفو كفو للطايلات
يعني يحطك بالشدايد فيّته
انتم قلوبٍ حانية والامهات
اللي بها المجروح يمسح كيّته
ما تنكسر فيني من الطعنات ذات
شاعر وشايل للزمن شبريّته
ياخيتي والناس اجناس وصفات
اخوك وعارف عقربه من حيّته