كلنا والله نحبك ونهديك الزهور

واحدٍ كل الخلائق تحرّى في رجاه
عالمٍ ما بالسراير وتخفيه الصدور
كل ما في الكون فوق البسيطة ما خفاه
تشفي العاهل ملكنا وما صابه طهور
وتحفظه من كل مكروه وتسدد خطاه
والله ان الشعب كله يبادلك الشعور
هو يحبك وأنت مخلص وتبحث عن رضاه
سيدي ظهرك ليا اوجعك أنا أقول معذور
من كبر حملٍ تشيله يا أبو متعب علاه
شايلٍ لك حمل تعجز عنه كل الظهور
ما يشيله غير مثلك رفيعٍ مستواه
الله أنه يا ملكنا يكافيك الشرور
يكتب لك الأجر والعافية طول الحياه
كلنا والله نحبك ونهديك الزهور
ونرفع كفوف الضراعة وندعي في الصلاه
إن ربي يذهب الباس ويعود السرور
نطلبه في كل الاوقات يالله النجاه
والله أنت لو ظروفك تبي تسمح نزور
كل شعبك جاك زوار من كل اتجاه
شوفتك يا سيدي نور ومشاهدك نور
شوفتك وأنت متعافي تراها أكبر غناه
أنت عزٍ للمواطن ودون الدارسور
بيتنا اللي بالشدايد يذرينا ذراه
وأنت لك في كل محفل مواقيف وحضور
حكمتك تغلب على أهل السياسة والدهاه
جعل ربي يحفظك من صواديف الأمور
وجعل ما أصابك من الباس تخفيف وبراه
الشاعر/ سهل بندر العواصاني المقاطي