حنا معك

يابو فهد للسيف سطوة ومقدار
لاصار شرع الله ودينه دليله
اضرب بحده يالبطل كل بوار
من شذ عن درب القدى والفضيله
ياشيخنا مانحتمل وصمة العار
العار ترضى به وجيه الفشيله
مادام ركبك في رضا الله سيار
فابشر بنصر ما تجي فيه ميله
وحنا معك شيبان وكبار وصغار
جيش تحت رأيتك قوة مهيله
ابطالنا في طارف الحد سمار
تردع غثى الحوثي وتقطع شليله
والفزعة اللي تحمي الدين والدار
حق عليه الشرع معطي دليله
في الارض دبابة وفالجو طيار
والبحر محمي والمشوك نشيله
ما نذبح المعفي ولا نغدر الجار
ولا العدو نصليه حر المليله
من خالف السنة وشكك بالاطهار
وسعى لنشر البلبلة والرذيله
ومن كفّر المسلم وفجر ومن بار
وخان العهد والدين شوه جميله
له عندنا سيف شطير وبتار
نقطع غثاه اللي علينا يهيله
واللي يتحزم له ولو هو ورا الدار
ماهمنا شيله وحطه وشيله
طريقنا نهج النبي سيد الاخيار
والشرع حكمٍ ما رضينا بديله