المنحرف لو عبث ملزوم له مدّه

صقر الوزارة عزيز النفس والمَده
يسلم وياطا على الفتنه بعلباها
الله حفظ سيدي والله نصر عبده
من جثة الخايب اللي طارت اشلاها
من هو سمع كلمته يعرف مدى جدْه
قاتل لنفس بلاها شيل بارادها
المنحرف لو عبث ملزوم له مده
النار تاكل رجل منهو توطاها
هل عيد الرخا وانزاحت الشدة
في ظل شيخ على المله تولاها
وصل الفرح بالديار المحصنه حده
توشحت سيف اخو نوره وخاواها
سيف شطير يميز لعبه وجده
يشفي نفوس بدرب الدين ممشاها
يقوي ضعيف الجهد بالخير ويرده
ويضعف قوي بغير الحق يتباها
الامن يضحك رياض تحضنه جده
وايضا فيافي بعيد الدار واقصاها
عين الشقي بطلت دمع على خده
قرت عيونه برب الدار مولاها
سحابة الخير فوق الدار ممتده
ترعد وتبرق علينا صافي ماها
هتانا مثل القلوب الخيرّه عده
من مرزم للنفوس الطيبه جاها
صقر الجزيرة اخو نوره ومن قده
اسس ديار نعيم الامن غطاها
عبدالعزيز الذي عم الورا مجده
له صطوة خلت خصومه توقاها
ابو الضعوف الذي تفداه وتوده
يتمان وارامل بثليم ملفاها
الحكم عدل وميزانه على القده
مستلهم روح شرع الله ومن طاها
الدار داره وملك ابوانه وجده
سفينة الخير باسم الله مرساها
تبدلت حلت بالحيل منهده
صار السعودي بدار العز يتباها
دارنا وان حابك خامل السدّْه
النيه الباطله ترجع لمنشاها