ظلام دربي !!

==1==
يا قابل دعاة العباد المطيعين==0==
==0==يا اللي فلا غيرك حدٍ نشتكيله
آمين ترحمنا برحماك و آمين==0==
==0==اتخفف حمولٍ علينا ثقيله
نهار فيه الحاشيه والسلاطين==0==
==0==محدٍ على الثاني يطرّي جميله
ديّانة الدنيا يجونك مدايين==0==
==0==وكلٍ من الثاني ينفّظ شليله
ياربنا حنا الضعوف المساكين==0==
==0==حنا الذنوب الزايده والقليله
وانا من اللي في عماهم لذا الحين==0==
==0==لا طاح مني ذنب عوّدت اشيله
كم لي وانا تلعب علي الشياطين==0==
==0==الين ماخلت بيدي حصيله
مع اني اكبر من يدوس الثعابين==0==
==0==مالي على تعذيب نفسي وسيله
ألاعب الدنيا وهي لعبها شين==0==
==0==واقوم للحظ الردي واحبي له
عقب الغرور وعقب تحميرة العين==0==
==0==قمت ابتسم للمنحني وانحني له
ياطول عمري كان جيت الثلاثين==0==
==0==لا ياكبر قلبي ويا قو حيله
ويش الرماح و ويش طعن السكاكين==0==
==0==قدام مدات الزمان البخيله
من وين يا سكة سفر.. لا..على وين==0==
==0==ظلام دربي والمسافه طويله
دربٍ عليه الظالمين المظلين==0==
==0==يانفس مالك منه غير الفشيله
الى متى وانت على الشوك تمشين==0==
==0==والعمر يقضي بين يومٍ وليله
اما تكبين الحرام وتتوبين==0==
==0==ولا ترى عقب الرذيله رذيله
==2==