دام عزك

يابلادي والعدو مدحور
والحزم مايفرضه غير الملك سلمان
يوم قاد العاصفه كل الوطن طابور
كل شعبك ياملكنا يعشق الميدان
امض بالشعب السعودي والسلاح ايثور
النفوس انبيعها لامن دعت الاوطان
ننشق البارود والدم ايغلي ويفور
والشجاعه طبعنا والحزم والاتقان
اعتزي سلمان واطلق من سماه صقور
الصقور اللي على خوض الوغى شجعان
دكوا العدوان قبل يشع فجر النور
وخلوا الحوثي على ارض المعركه خسران
وانبلج وجه النهار وشعبنا مسرور
والبطل كان السعودي والخليج اخوان
من وقف معنا من اقطار الدول مشكور
واللي ماوقف معانا يطعم الحقران
علم الحوثي يدور في الجبال اجحور
المعارك تعرف الشجعان والذلان
مابقى في وقتنا خافي ولا مستور
نعرف اعدانا ونعلن للملا عنوان
ذي فعايلنا وهذا حزمنا المشهور
لآ قدمّنا ماحسبنا كائنٍ من كان
كانكم قد المواجه واجهو بالفور
الزناد يثور والصاروخ والفلكان
والسماء تبرق وترعد والهدف مبتور
من خشوم مقاتلات ترهق العدوان
والجثث من ضربنا صرعى بدون قبور
كرمةٍ تشبع حوايمها معى السرحان
من خلقنا الله وبيرق عزنا منشور
والملك سلمان جدد ماضي الجدان
كلنا ياسيدي سلمان في الطابور
شعبك المخلص بطبعه يعشق الميدان
امض بالشعب السعودي والسلاح يثور
النفوس انبيعها في خدمة الاوطان