سلمان الشجاع

لاقام سلمان بن عبدالعزيز الشجاع
العصبة الباغيه تركد شياطينها
الحزم تجتاح وامرك ياملكنا يطاع
واللي تهدد وطنا وينها وينها
على عدن ياصليب الرأس خطل الذراع
حتى من الحوثي نحرر ميادينها
آليا أرعدت سابقات الصوت والعلم ذاع
تدك من حينها معقل معادينها
اسرابها تدخل الحوثي سنين الضياع
وتعلم اللي بعد دينه على دينها
ما ينفع الخائن التصريح والاجتماع
نعزله والفرس ندخل بينها وبينها
حنا على قمعة الشله عطاشٍ جياع
في ربع ساعه ندمر خطة سنينها
ابو فهد كل ما صعبت يفض النزاع
سياسته صملة الصامل مضامينها
يقدّر الكفو والا اهل الغدر والخداع
اما صفق خدها ولا لطم عينها
الجيش مقدام ومحمد وزير الدفاع
والكفه الكايدة ترجح موازينها
آليا ضربنا بمخلب ساطيات السباع
الناس عقالها تدب مجانينها
يابو فهد ما حسبنا حساب سقط المتاع
عندك رجالٍ حدود الدار حامينها
وشعبك يسوقه على حبك وفا واندفاع
ونفسٍ تهاون عن الحق الله يهينها