جرح الهدب

==1==
اشعلت ليل الغرام ومجمل انواره==0==
==0==بدرٍ ليا بان نوره يكشف الغدرا
ارسل عبيره ومسكه واجمل ازهاره==0==
==0==والقلب غنى على ريضانه الخضرا
اقبل بورده ويشمومه ونواره==0==
==0==ما همه أهل الحسد والنيه القشرا
وسجيت باسلوبه الجذاب واخباره==0==
==0==معء صحوة الشوق والمسرا هو المسرا
قبل يتكلم عيونه تكشف اسراره==0==
==0==كنه يقول المحبه جمرةٍ حمرا
يا عشقي اللي سكن في القلب واختاره==0==
==0==على الشرف ما فتحنا للردى مجرا
لو اختلفنا براي وراي نختاره==0==
==0==قلوبنا بالمحبه تكتب وتقرا
صبري قضى والهوى يا صعب مشواره==0==
==0==الى متى والقلوب تجدد الذكرا
اذكرك لا منّ ليلي غابت اسفاره==0==
==0==وليا ذكرتك عشقت الليل والقمرا
من قال جرح الهدب ما توجع اضراره==0==
==0==اقول جرح العيون السُود ما يبرا
خلّو قتيل المحبه ياخذ بثاره==0==
==0==أسير لعيونها واهل الغرام اسرا==2==
@@ سعد بن طلق العصيمي