عاش سلمان للشاعر مهدي بن مسفر الحبابي

عاش الوطن عاش العلم عاش سلمان
عاش المليك اللي رفع راية الدين

عاش المليك العادل ورجل الاحسان
وعاشوا اعضوده واولياه الميامين

محمدين اللي لهم فالوطن شان
اللي بهم ترجح جميع الموازين

محمد النايف عمى كل خوان
ومحمد السلمان فالشده يبين

والله يعز المملكه بامن وإيمان
ارض الهدا قبلة جميع المصلين

هذا الوطن شامخ على طول الازمان
وحنا حماته في جميع الميادين

الصف واحد صدق في كل ميدان
والشعب وافي والقياده وفيين

سنه وشيعه دون دولتهم اخوان
وبوجيه عدوان الوطن مستعدين

لحمة وطن والحزم والعزم عنوان
وما يمكن ٍ شعب الوطن ياتي اثنين

واللي يحاول يزرع الشر غلطان
ما نستمع له والمواقف براهين

والشعب في جازان ولا بنجران
مع جيشنا في صد كل المعادين

واللي يفجر فالمساجد على شان
يزعز امن الدار غاوي ومسكين

ومن يزرع الفتنه بالاوطان شيطان
جعله افد ٍ للمملكة قولوا امين

ويبقا الوطن شامخ على طول الازمان
والشعب وافٰي والقيادة وفيين

الشاعر- مهدي بن مسفر الحبابي
عضو مبادرة الشعراء العرب