كان بيت الاسبوع الماضي لمعد الزاوية مبايعة لخادم الحرمين الشريفين الملك سلمان بن عبدالعزيز ال سعود حفظه الله ورعاه والبيت يقول: بارقابنا بيعه وسمع وطاعه لك ياعرين المجد والعز سلمان وكان صدى البيت من الشعراء: دام النفس يجري وفيه إستطاعه بيعة ولاء على المحجة ببرهان منهاجنا قول الرسول الجماعه الزم جماعتهم ومن شذ خسران بيعة ولاء ماهو امبايع رعاعه اللي على ذبح المسلمين له شان حنا جنود الدين حنا الجماعه واللي يتيه الدرب تراه غلطان صلاح بن عبدالله اليابس / الدمام ايبايعك شعبك وفا مع قناعه وانت الِّذي فيك الوفا دم شريان منك الإشاره والوطن منه طاعه لك حكمةٍ يثقل بها كلِّ ميزان في منهجك حزمٍ وعزم وبراعه من مدرسة صقر الجزيره كحيلان ضد الفتن والمكر فينا مناعه دار الحرم ترخص لها كلِّ الاثمان من خانها ماله أمان و شفاعه يبقى وطنَّا شامخٍ طول الأزمان قد مركب الدوله وحنا شراعه نهضه وتطوير وتعمير بنيان ناصر بن جمعان آل عوض / وادي الدواسر الحمد لله كل لحظه وساعه لك ياإلهي خالق الانس والجان لولاتنا أمرت سمعًا وطاعه وبيعه اتجدد كل ما وقتها حان بيعة ولاء فعناقنا والوداعه مرتبه واليوم أتى دور سلمان عدلٍ وحنكه وبالسياسه براعه وسداد رأي وميزةٍ حفظ قرآن عبداللطيف الحُمَيَّانِي / عنيزة نبايعك يالحاكم بسمعٍ وطاعه على العهد نبقى كما جبال رمان قايد سفينه واستلمها بساعه سفينةٍ تمشي على العز بامان استبشري يابنت بعز و رفاعه ياحى فال البنت بقدوم سلمان الحاكم العادل بشرع وقناعه حاكم سياسي محنك طير حوران خليف بن فهيد الحربي / الرياض بيعة ولاء طول الوطن واتساعه بيعة ولاء مااشابها غدر خوان للشعب ضد العنجهية مناعه ولاهوب يرضى غيركم كان من كان غير السعود اهل الوفاء والشجاعه تحرم عليه المملكه طول الازمان هاجد بن صنيدح السبيعي كل يقدم للوطن ما استطاعه دليل ايمانك بحبك للأوطان نبايعك من قرب والا باذاعه الشعب كله في فضايلك فرحان إمامنا بالحق يا طول باعه جميعنا بالمملكة مثل الأخوان نفدى وطنا في صمود وشجاعه والمعتدي له عندنا زود نيران علي رشيد الرشيد-رياض الخبراء والحمد للباري عدد كل ساعه يومه تولى سيدي ذرب الايمان سلمان يارمز الفخر والشجاعه انبايعك ياسيدي طوع واعلان يابن الامام اللي علا بالرفاعه يابو المكارم يابعد كل انسان حمد عبدالله الوايلي /حوطة سدير سلمان قايدنا بفخر وشجاعه هذا المليك الفذ للطيب عنوان وحنا على امره بكل لحظه وساعه ابو فهد هو فخرنا طير حوران وحنا جنوده ودايم في سماعه الله يحفظه من بلا كل فتان دايم يحب الخير وهذي طباعه رجل حكيم يفعل البر واحسان محمد عبد العزيز الخنيفر - أشيقر الشعب بايع فرد فرد وجماعة0 على كلام المصطفى شرع قرآن نعم نبايع وأحلى يوم وساعة أبوفهد حاكم وله حضرة وشان أبوفهد مجدٍ وعز وشجاعة حاكم وفاتح للشعب كل بيبان الخير حلّ وفلّ فينا شراعه الله عطانا الخير وامن مع امان لا قال حاكمنا علينا اتباعه نحمي الوطن بالروح من كل عدوان عثمان ابراهيم الرشيد - الرياض نبايعك بيعة ولاء من قناعه تبقى على مر الليالي والأزمان ونعاهد الله ما نخون الوداعه ثم نعاهدكم شيوبه وشبان دام البرق يحدر ويلمع شعاعه هذا حزامك سيدي سر واعلان علي الزولاني الفيفي - بيشة صار الولا في القلب مثل الطباعه حتى صغير السن منه الولا بان عدونا خله يزيد اطلاعه في لحمتن من بيننا صيتها بان التفرقه تهدم ديار وجماعه كم دولة من عقبها وضعها شان في صفنا مال المعادي طماعه نقصر هقاوي كل حاسد وخوان غنام مسعود القريني - نعام محافظة الحريق نعم نبايعهم بصدق وقناعه سلمان سلمان السعد طير حوران فكر وتخطيط وسيع اطلاعه وسيرته للواقع دليلن وبرهان يحرص على درب الهدى واتباعه ومن يحفظ الله يبشر بعز وامان بعض البشر فكره سبايب ضياعه من حولنا ضاعت كيانات واوطان مشعل غنام القريني - نعام حب التكاتف والوفاء والمطاعه ﻻبو فهد غالي علينا وله شان للحاكم المحبوب سمع وطاعه ريف الضعيف وداحر كل شيطان حكم بحكم الدين بعز وبراعه هذا المليك الشهم هو عز اﻻوطان حقق اماني الشعب وهذي طباعه الحاكم العادل وهو ذرب اﻻيمان ريان محمد الخنيفر - الرياض بيت الاسبوع يكتبه اليوم الشاعر ناصر بن جمعان آل عوض من وادي الدواسر حول ظاهرة تعذيب بعض الحيوانات وعدم الرفق بها والتفاخر بذلك عبر وسائل التواصل الإجتماعي ويقول: في كلِّ نفسٍ رطبةٍ اجر يااخوان ما هو بفخر إنِّك تعذب بهيمه نستقبل صدى هذا البيت بأربعة أبيات ويفضل الإرسال عبر الإيميل: [email protected] أو على الفاكس 4871070/ 011 كما يسرنا مشاركة القراء بموضوع البيت ومن الشعراء بطرح بيت الاسبوع حول اي موضوع.
