مرت ثمانين وأربع كنها ساعه فيها الرخا والنماءوالعدل والديني

بيت وصدى

كان بيت الأسبوع الماضي للزميل معد هذه الزاوية بمناسبة اليوم الوطني الرابع والثمانين لتوحيد البلاد على يد المغفور له بإذن الله الملك عبدالعزيز آل السعود - طيب الله ثراه - والبيت يقول:
مرت ثمانين واربع كنها ساعه
فيها الرخا والنماء والعدل والديني
وكان صدى البيت من الشعراء:
يومٍ معزّي نهّض للدين وأتباعه
ومدرعاته على كور البعاريني
وحّد أركون البلد بالعز والطاعة
وصاح المنادي ترى بالحكم راضيني
والأمن عم البلاد وزانت أوضاعه
شرقي وغربي حضرها والبداويني
منهاجه الدين والأسلام تباعه
ومن عقبه عياله الغر المياميني
صلاح بن عبدالله اليابس - الدمام
مؤسس الدار عز الدين ما باعه
ارسى السفينه وقادوها السلاطيني
ومليكنا له كل السمع والطاعه
العام والعام وقبل العام واللحيني
هذا ابو متعب يعز الشعب ما جاعه
والشعب يحبه حب الشيخ للديني
شجعان بن سعود المقاطي - الرياض
من قبله الخوف كم تسطي بنا اوجاعه
والأمن غايب وداره عانت سنيني
الين جاها نوي الخير والطاعه
عبدالعزيز المرجح للموازيني
الدين نهجه وصبره افضل اطباعه
والعدل به ميزة طلق الحجاجيني
عبدالكريم ابن خزيم - البكيرية
حنا على العهد بالتسليم والطاعة
لاوامر الحاكم اللي طبق الديني
نحارب المعتدي لو قوم شراعه
الشعب واحد على التوحيد ماشيني
يوم الوطن كل عام نرسم اوضاعه
الف وثلاثميه وواحد وخمسيني
علي رشيد الرشيد - رياض الخبراء
يوم الوطن غالي بشمسه مع شعاعه
الله يحفظ الوطن هو ناظري وعيني
الله يعز الوطن بالامن والطاعة
واطلب من الله يعزه وارفع يديني
شفنا الصناعة وشفنا العلم وزراعة
وشفناالتطور بدأ من وقت وسنيني
عثمان ابراهيم الرشيد - الرياض
للدين ثم الوطن ثم الملك طاعه
معروف لوتبطي الايام وسنيني
واللي تطاول ترانا نكسر ذراعه
لطامته ندحره يموت في حيني
دار السعودي امان غير مرتاعه
حكامهابالعدل والشرع والليني
حمد عبدالله الوايلي - حوطة سدير
هذا الوطن كلنا له سمع وطاعة
وحنا لوطنا مع القايد محاميني
عدونا وانضهد ثم زادت أوجاعه
أنهوه رجال لهم وقفات ساعيني
هو حرره حر بالتفكير وشجاعه
واليوم شوفوا بلاد العز والديني
محمد عبدالعزيز الخنيفر - أشيقر
دار بها بيت رب فيه ركاعه
من كل فج تعبد به مسلميني
هذي ثمانين واربع تزهر الطاعة
من طيب أهلها ما صار الصف صفيني
الشجرة الي لها التقدير بانواعه
آل سعود النزيهين الكريميني
الأسود بن هندي العنزي - الزلفي
من يحفظ الدين فاز وزانت أوضاعه
وصلاة ربي على المبعوث للديني
لرسولنا جعلنا من خير تباعه
انراقب الله بوقت العسر واليني
واليوم في عهد عبدالله له الطاعه
عدل وتواضع وريفن للمساكيني
وسلمان حراً مقر العز بانواعه
ولي ولي العهد ضد المعاديني
غنام مسعود القريني - نعام
نعم ثمانين عز ومناعه
ولفداه روحي يليت تصير روحيني
لبلادنا مع ولاته سمع وطاعه
ويبقى بعز(ن) وشامخ سور للديني
كل بيفداه أفراد وجمع جماعه
وبالامن وامان قولوا ربناآميني
سعود عائش الحربي - القاهرة
يا طيب رجل بناها وزانت أوضاعه
ياكم دحر من عدو غاضب شيني
اللي على دارنا وبالشر طماعه
هذا الوطن غالي في داخل العيني
بجهود رجال على الطاعات سماعه
صقر الجزيرة وشجعان مياميني
ريان محمد الخنيفر - اشيقر
نقول لملوكنا السمع والطاعه
متعاهدين على الطاعه وراخيني
ونذكر اجهود الامام وحوله اسباعه
حمو ابلاد العروبه منبع الديني
والشعب لرواحها بالضيق بياعه
وملوكنا عزنا أول وهلحين
حميد خلف فارس العودي
بيت الاسبوع
يكتبه للصفحة الشاعر صباح الظفيري من الرياض حول ضرورة اخذ تصريح لمن اراد تادية مناسك الحج ويقول:
ياناوي الحج خذ تصريح
والانظمه لا تخالفها
نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل:
rb-khozama@alriyadh.com
أو على الفاكس 4871070/ 011
كما يسرنا مشاركاتكم سواء
بالفكرة ااو بطرح البيت