في ست وعشرين سته ست وعشريني كلن بقصر الحكم بايع لعبدالله

بيت وصدى

كان بيت الأسبوع الماضي للزميل محرر هذه الزاوية الشاعر عادي بن رجا بن رمال بمناسبة الذكرى التاسعة لتولي خادم الحرمين الشريفين الملك عبدالله بن عبدالعزيز ال سعود - حفظه الله - مقاليد الحكم ومبايعته التي تمت في قصر الحكم بالرياض ما يبين اهمية هذا الموقع التاريخي ويقول:
في ست وعشرين سته ست وعشريني
كلن بقصر الحكم بايع لعبدالله
وكانت مجاراة البيت من الشعراء
سمعاً وطاعه وحنا لك مجيبيني
يالقايد الغالي اللي وارفاً ظله
بومتعب اللي سكن بالقلب والعيني
عدل ومحبه رخا والطيب له كله
جيناك ونجدد البيعه ملاييني
أصغار وكبار والمنهج على المله
قرآن وسنة نبي الله لنا ديني
والدار نحميه من كل حاقد وعله
مقرن بن متعب الهرف - الرياض
يالله ياللي له عباده مصليني
انك اتحفظ الوطن وتعز عبدلله
رهن الا شاره ترى حناء مطيعيني
حنا فداء للوطن كل الوطن كله
العاهل اللي ترى نهجه على الديني
حمل المواطن على متنيه يشتله
سعد صنهات السهلي - الدرعيه
الحاكم اللي حكم في منهج الديني
الشعب حبه وذا توفيق من الله
أسرة عريقه على الإخلاص ماشيني
أمورهم كلها دايم على الملة
عمت مشاريع في كل المياديني.
كل المشاكل بعون الله منحله
علي الرشيد - رياض الخبراء
سنين سمان علينا من هل الديني
يارب وفّق ملك منهاجه الملّة
مبايعين الملك للعرش مبطيني
وضع الأمانة لعبدالله على حلّة
توافدو للقصر شبل ومسنّيني
كلّن مبايعٍ حكمٍ كلنا بظلّه
سعود بن عبدالعزيز الهزاع - نعام
يوم المبايع جميع الشعب فرحيني
يا قايد له مكان دوم ونجلّه
هذا أبو متعب يحب الشعب ويعيني
للدين يسعى وشعبه دوم ما يملّه
الله يديمه سنين تتلي سنيني
حكيم راي نعزه ودوم في ظلّه
محمد عبدالعزيز الخنيفر - أشيقر
أهلا هلا بك نقوله لك ملاييني
في أي موقع نقوله وقت ما تحله
يا فاعل الخير كل الشعب راضيني
في قلوبهم دايم موقعك ومحله
حكمت بالعدل وكل الشعب داعيني
في طورة العمر يا رجل الوفا كله
ريان محمد الخنيفر - الرياض
عام ورا عام راحن تسعة سنيني
والخير في بلادنا وافر وله فله
في ظل ابو متعب كعام المعاديني
يمناه في طيب الوقفات منهله
خادم بيوت الله راع الحق والديني
عساه سالم في سفره وفي حله
حمد عبدالله الوايلي - حوطة سدير
قصرالحكم عامرٍ بالعدل والديني
ساحات قصر الحكم تشهد لعبدالله
حكامنا تاج فوق الراس والعيني
الروح ترخصويشهد بالوفا الله
للقصر هيبة وبه حكم السلاطيني
وبه تمت البيعة من الشعب له كله
تاريخ ما ينسي من بين السنيني
الله يحفظ الملك وإنا فداوالله
عثمان ابراهيم الرشيد - الرياض
بيت الاسبوع
كتبه للصفحة الشاعر حمد عبدالله الوايلي من حوطة سدير حول طلب الواسطة (الشفاعة) في امور ﻻ تحتاج لذلك بحكم انها حق مشروع للمواطن
والبيت يقول:
انا مراجع ولي حقوق مشروعه
مافيه داعي اوصي ناس شفاعه
وسلامتكم.
نستقبل صدى هذا البيت بااربعة أبيات
فقط تدور حول هذا الموضوع ويفضل
الإرسال عبر الإيميل:
rb-khozama@alriyadh.com
أو على الفاكس 4871070/ 011
ونرحب بطرح بيت الأسبوع وهو من اختيار الشعراء وفي اي موضوع يختاره الشاعر